Хог түүж, тэнэмэл байдлаар амьдардаг иргэдийн тоо жил ирэх тусам нэмэгдсээр байгааг албаныхан онцолсоор байна. 2010 онд явуулсан Хүн ам орон сууцны тооллогоор 1016 иргэн гэр оронгүй буюу тэнэмэл байдлаар амьдарч байгаа гэх судалгаа гарсан бол 2014 онд нийслэлийн Халамж үйлчилгээний газраас явуулсан судалгаагаар 2789 иргэн тоологджээ. Энэ нь шинээр 1773 иргэн нэмэгдсэн гэсэн үг юм. Эдгээр иргэд ахуйн хүрээний хулгайн гэмт хэрэг хийх нь элбэг байдаг тул тухай дүүргийн Цагдаагийн хэлтэс өөрийн нутаг дэвсгэр дээр амьдарч буй тэнэмэл иргэдийг бүртгэлжүүлдэг аж.