Хууль зүй, дотоод хэргийн салбарын “Нээлттэй хаалганы өдөрлөг" Сүхбаатарын талбайд үргэлжилж байна. Шүүхийн шийдвэр гүйцэтгэх ерөнхий газрын харьяа анги, алба, салбар нэгжүүдээс хүмүүжигчдийн гар урлалын бүтээлүүд болон үйлдвэрлэж буй бүтээгдэхүүнийг танилцуулахаас гадна, худалдан борлуулах үйл ажиллагаа явуулж байна.
Өнөөдрийн үйл ажиллагаанд Хорих 407 дугаар ангийн хүмүүжигчдийн урласан төрөл бүрийн зөөлөн оёдлын бүтээгдэхүүн, Хорих 409 дүгээр ангийн харьяа "Газар-Ивээл" ТӨААТҮГ-аас үйлдвэрлэсэн гутал, төрөл бүрийн хатуу оёдлын бүтээгдэхүүн, “ШТН” ТӨААТҮГ-аас шохой, шохойн чулуу, эрдэст нунтаг, замасканы нунтаг, сувинерын бүтээгдэхүүн, “Хэрэмт цамхаг” УТҮГ-аас хөнгөн блок, нүхтэй блок, вакум цонх, хаалга, хаалт, Сэлэнгэ аймгийн Мандал сум дахь Шийдвэр гүйцэтгэх алба-Хорих 413 дугаар ангиас чулуун шатар, төрөл бүрийн бэлэг дургалын зүйлс, модон эдлэлүүдийг дэлгэн тавьжээ.
Тус байгууллагаас хүмүүжигчдэд мэргэжил эзэмшүүлэх, хөдөлмөр эрхэлж байгаа хүмүүжигдэд цалин олгож, цалингаас нь бусдад учруулсан гэм хорын хохирол төлбөрийг нь барагдуулдаг байна.
