Нийслэлийн Засаг даргын санаачлагаар Сөүлийн гудамжийг автомашингүй, шөнийн гэрэлт гудамж болгон энэ сарын 9-нд гудамжны нээлтийг хийсэн. Гэвч тус гудамжийг Сөүлийн хотын захиргаанаас ирүүлсэн шаардлагын дагуу эргүүлэн буулгаж байгаа гэх мэдээлэл цахим сүлжээнд хурцадтай тархаж байгаа талаар манай сайт мэдээлсэн. Тэгвэл энэ талаар  Нийслэлийн захирагчийн ажлын алба мэдээлэл өгчээ.

Тэд “Сөүл хотын захиргааанаас энэ тухай шаардлага ирүүлээгүй. Мөн шөнийн гудамжийг буулгаж, шинээр дахин тохижуулж байгаа асуудал байхгүй” гэсэн байна.  Мөн одоогоор шөнийн гудамжны тохижилт бүрэн дуусаагүй, цаашид шат дараатайгаар тохижилтийн ажлыг гүйцэтгэж дэлхийн жишигт нийцсэн шөнийн гудамж болгоно гэдгийг албаныхан хэлж байгаа.

Тиймээс гудамжийг буулгаж байгаа бус тохижилтийн ажил дуусаагүй байгаа тул ажил хэвийн үргэлжилж байгаа аж.