ЭЕШ өгөхөөр Замын-Үүдээс Сайншанд руу явж байсан гурван сурагч зам тээврийн ослоор амиа алдсан харамсалтай хэрэг гарчээ.

Тодруулбал өчигдөр шөнө Дорноговь аймгийн нутагт зам тээврийн ослоор дөрвөн иргэн алдсан хэрэг бүртгэгдсэн байна. Осол Дорноговь аймгийн Өргөн сумын нутагт гарсан бөгөөд “North benz” маркийн автомашин “Sonata6” маркийн машинтай мөргөлдөж, дөрвөн хүн нас барж, хоёр хүн гэмтсэн. 49 настай нэг эрэгтэй, 18 настай гурван эрэгтэй амиа алдсан байна. Ослоор амиа алдсан гурван иргэн ЭЕШ өгөхөөр аймгийн төв рүүгээ явж байсан аж.

Одоогоор тус хэргийг Дорноговь аймаг дахь Замын цагдаагийн газарт шалгаж байна. Иймд, Замын цагдаагийн албанаас жолооч нарыг орон нутгийн замд анхаарал болгоомжтой явж, хамгаалах бүсээ зүүж, замын хөдөлгөөний дүрмээ баримтлан хөдөлгөөнд оролцохыг анхаарууллаа.