Амьтны тухай хуульд заасны дагуу дөрөвдүгээр сарын 1-нээс зургадугаар сарын 15 хүртэл загас агнахыг хориглодог тул энэ хугацаанд загас барьж болохгүй. Учир нь энэ хугацаанд үржлийн үе нь байдаг бөгөөд энэ үед нь халдвал тухайн төрөл зүйл устах хүртэл аюултай байдаг аж.
Тэгвэл маргаашнаас эхлэн загас агнуурын хорио тавигдана. Тодруулбал,
- Дархадын цагаан загас: VIII.01-X.20
- Буйр нуурын загас: V.15-VIII.1
- Омоль загас: VIII.30-X.30
- Зарам загас: IX.05-I.30
- Алтайн сугас загас: VI.15-VIII.31
- Бусад загас: IV.1-VI.15 хүртэл агнахыг хориглоно.
Хэрвээ дээрх хугацаанд загас барьсан иргэнийг нэг сарын хөдөлмөрийн хөлсний доод хэмжээг хоёр дахин нэмэгдүүлсэнтэй тэнцэх хэмжээний төгрөгөөр, хуулийн этгээдийг хөдөлмөрийн хөлсний доод хэмжээг тав дахин нэмэгдүүлсэнтэй тэнцэх хэмжээний төгрөгөөр тус тус торгодог хуультай байдаг.
