УИХ-ын сонгуулийн 2016 оны сурталчилгааны үеэр МАН-ын удирдлагууд төрийн албан тушаалыг үнэлэн, 60 тэрбум төгрөг хэрхэн босгох тухай ярилцаж байгаа бичлэг олон нийтэд цацагдаад байгаа билээ. Энэхүү бичлэгийг МАН-ын Стратеги судалгааны багт гэрээгээр ажиллаж байсан Г.Доржзодов гэх залуу хийсэн гэдэг нь ил болоод байгаа.  Тэгвэл яг одоо Д.Доржзодовыг баривчлахаар гэрийнхэн нь гадаа цагдаа нар бүслээд байна хэмээн сэтгүүлч Мөнхбаясгалан цахим хуудсаараа дамжуулж байна. Хэдхэн хоногийн өмнө түүний амь насанд заналхийлсэн талаарх мэдээлж цацагдаад байсан билээ.

Түүний мэдээлж байгаагаар өнөөдөр өглөө Д.Доржзодовыг баривчлахаар Хан-Уул дүүргийн  Оргил хотхон дахь байранд цагдаагийнхан өргөн бүрэлдэхүүнтэй ажиллаж эхлээд байна. Д.Доржзодовын байрны гадуур цагдаа нар бүсэлсэн байдалтай байгаа аж.

Залууг гадагш гаргахгүй байгаа тул  байрны цонхон дээр гарч ирч, лайв бичлэгийн дүрсэнд орсон байна. Тэрээр тус байранд нуугдаж байсан гэх мэдээлэл байгаа юм. Д.Доржзодовын өмгөөлөгч тус байрны гадаа ирсэн ч "Баривчлах ажиллагаа яваагүй тул оруулах шаардлагагүй" гэсэн тайлбар тавин, оруулахаас татгалзсан байна.