Зам тээврийн сайд асан А.Гансүх нарыг “Ухаа худаг-Гашуун сухайт” чиглэлийн төмөр замын бүтээн байгуулалтын ажлын явцад албан тушаалаа урвуулан улсад хохирол учруулсан байж болзошгүй хэрэгт буруутган хуулийн байгууллагынхан өнгөрсөн оноос шалгаж эхэлсэн.

АТГ, ЦЕГ-ын хамтарсан ажлын хэсгийн шалгалт дуусч прокуророос хэрэгт яллах дүгнэлт үйлдэн шүүхэд шилжүүлээд байсан юм. Анхан шатны шүүхээс уг хэрэгт холбогдогчдын шүүх хурлыг хийхгүйгээр мөрдөн байцаалтад буцаажээ.

Тэгвэл мөрдөн байцаалтад буцаасан анхан шатны шүүхийн шийдвэрийн эсрэг Нийслэлийн прокурорын газраас эсэргүүцэл бичиж Нийслэлийн эрүүгийн хэргийн давж заалдах шатны шүүхэд ханджээ. Прокурорын эсэргүүцлийг хэлэлцэх хурал энэ сарын 20-нд товлогдсон байна.

Б.Заяа