Хэт хатсан хөрсөнд орж буй бороо нь үер болох магадлалтай байгааг мэргэжлийн байгууллагууд анхаарууллаа. Зарим газарт ус ихээр тогтож үерийн нөхцөл байдал үүссэн байна.
Ус цаг уурын эрдэм шинжилгээний хүрээлэнгээс авсан урьдчилсэн мэдээгээр энэ сарын сүүлч долдугаар сарын эхээр үргэлжилсэн бороо орох төлөвтэй байгаа тул гол, мөрний арал, ай сав, уулын ам, үерийн замд буудалсан иргэд эрсдэлтэй газраас нэн даруй нүүж аюулгүй байдлаа хангах арга хэмжээ авахыг сэрэмжүүлж байна.
Мөн усны түвшин нэмэгдэх тул бага насны хүүхдэд тавих хараа хяналтыг сайжруулах, батлагдаагүй газраар гол, мөрөн гатлахгүй байх, амралт, аялал зугаалгыг цаг агаарын нөхцөл байдлыг судлаж зөв тооцоолох, согтууруулах ундаа хэрэглэсэн үедээ гол, мөрний усанд орохгүй байх зэргийг анхаарч усанд осолдох аюулаас урьдчилан сэргийлэхийг Цагдаагийн ерөнхий газрын Урьдчилан сэргийлэх хэлтсээс сэрэмжлүүлж байна.
