Нийслэл хотын орон сууц, гэр хорооллын гудамж, талбайг камержуулах, иргэдийн эрүүл, аюулгүй орчинд амьдрах нөхцөл бололцоог бүрдүүлэх, гэмт хэргээс урьдчилан сэргийлэх ажилд иргэд, олон нийтийн оролцоог нэмэгдүүлэх зорилгоор Монгол улсад Гэмт хэргээс урьдчилан сэргийлэх ажлыг зохицуулах зөвлөл, Нийслэлийн Засаг даргын тамгын газар, Нийслэлийн Гэмт хэргээс урьдчилан сэргийлэх ажлыг зохицуулах зөвлөлтэй хамтран 60.000.000 төгрөгийн шагналын сантай "Камержуулалт" болзолт уралдааныг 2017 оны дөрөвдүгээр сарын 01-ний өдрөөс зургадугаар сарын 01-ний өдрийг хүртэл хоёр сарын хугацаатай зохион байгууллаа.
“Камержуулалт” болзолт уралдаанд 15 хороо, 102 Сууц өмчлөгчдийн холбоо, 28 хөршийн хяналтын бүлэг, 108 иргэн идэвхтэй оролцож 534.431.328 төгрөгийн мөнгөн дүнтэй 2211 камерыг шинээр суурилуулсан байна. Уралдаанд идэвх санаачлагатай, бүтээлчээр оролцож, гэмт хэргээс урьдчилан сэргийлэх ажилд бодитой хувь нэмэр оруулсан шилдэг хороо, Сууц өмчлөгчдийн холбоо, хөршийн хяналтын бүлэг, Засаг дарга, иргэд, цагдаагийн алба хаагчдад шагнал гардуулах ёслолын арга хэмжээ өнөөдөр боллоо.
Камержуулалт болзолт уралдааны хүрээнд шагналт байранд:
Хороо:
1-р байр - Чингэлтэй дүүргийн 3-р хороо
2-р байр - Баянзүрх дүүргийн 2-р хороо
3-р байр - Сонгинохайрхан дүүргийн 10-р хороо
Сууц өмчлөгчдийн холбоо:
1-р байр "Баянмонгол" СӨХ
2-р байр "Хангай хотхон" СӨХ
3-р байр "Мянгат" СӨХ
Хөршийн хяналтын бүлэг:
1-р байр "Сайн хөрш " хөршийн хяналтын бүлэг
2-р байр "Хамтын хүч" хөршийн хяналтын бүлэг
3-р байр "Сонор" хөршийн хяналтын бүлэг
Тусгай байр
Иргэн
• Ч.Баясгалан
• Ш.Отгонбаяр
• Н.Базар
• Г.Ганбаатар
Цагдаа
• Цагдаагийн хурандаа Д.Отгонжаргал
• Цагдаагийн дэд хурандаа Р.Төмөрбаатар
• Цагдаагийн дэслэгч Б.Түвшин-Эрдэнэ
• Цагдаагийн дэслэгч Д.Жавхлантөгс
Засаг дарга
• Чингэлтэй дүүргийн 13 дугаар хорооны Засаг дарга Г.Бадамгарав
• Чингэлтэй дүүргийн 7 дугаар хорооны Засаг дарга Ц.Дуламжав
• Налайх дүүргийн 3 дугаар хорооны Засаг дарга Ч.Оргилмаа
• Сүхбаатар дүүргийн 1 дүгээр хорооны Засаг дарга Б.Мөнхзул нар шалгарсан байна.
