Өнөөдрийн байдлаар улсын хэмжээнд 22 түймэр асч байна. Сэлэнгэ аймаг Ерөө суманд 3 түймэр, Мандал суманд 4 түймэр, Хүдэр суманд 2 түймэр асч байна. Мөн Төв аймгийн Батсүмбэрийн нутаг дэвсгэрт 5 түймэр, Булган аймгийн Гурванбулаг, Сэлэнгэ сумдад 2 түймэр асч байгаа гэнэ. Одоогийн байдлаар 700 гаруй гал сөнөөгч, 50 гаруй автомашин, орон нутгийн 350 иргэн түймэр унтраалцаж байгаа аж.

Тэгвэл түймрийг унтраах, байгаль дэлхийг ариусгах, аргадах зорилгоор Гандантэгчэнлин хийдийн Очирдара их шүтээний дуганд Жүгдэр Намжилмаа бурханы Орон газрын угаал үйлдэх, Бурхан багшийн Айлдсан Их үүлэн судар хэмээх номыг Гандантэгчэнлин хийдийн лам хуврагууд өнөөдөр ном хурах аж.