09:00 цагт

• “Цахим орчин дахь хүүхдийн эсрэг бэлгийн хүчирхийлэл, мөлжлөгөөс урьдчилан сэргийлэх, арга хэмжээ авах нь” сэдэвт хэлэлцүүлэг Блю Скай Зочид буудлын Кристал танхимд  эхэлнэ. Хэлэлцүүлгийг Олон улсын цахилгаан холбооны байгууллага, Интерпол, Олон улсын хүүхдийн тусламжийн утасны байгууллагын техникийн дэмжлэгтэйгээр зохион байгуулах ба мэдээлэл, харилцаа, технологи болон хууль сахиулах, хүүхэд хамгааллын салбарын мэргэжилтнүүд оролцоно. 
• "Цус, цусан бүтээгдэхүүний зохистой хэрэглээ" сэдэвт Монгол-Хятадын хамтарсан анхдугаар семинар ЦССҮТ-ийн төв байранд эхэлнэ.

09:30 цагт

• Сэргээн засалт, сургалт үйлдвэрлэлийн төвийн БНСУ-ын Хөгжлийн бэрхшээлтэй хүмүүсийн хөгжлийн хүрээлэнтэй хамтран хэрэгжүүлсэн “ХӨГЖЛИЙН БЭРХШЭЭЛТЭЙ ХҮҮХДИЙН ЭРТ ҮЕИЙН ИЛРҮҮЛЭЛТ, ОРОЛЦОО” төслийн тайлангийн хурал Хөвсгөл нуур зочид буудлын хурлын танхимд болно.

10:00 цагт

• Нийслэлийн Эрүүл Мэндийн Газрын 80 жилийн ойн арга хэмжээний хүрээнд зохион байгуулагдаж буй Эрүүл мэндийн байгуулллагуудын эрдэм шинжилгээний хурал Засгийн газрын 5 дугаар байранд болно.
• “Нэг өрх- Нэг ажлын байр” Хөдөлмөрийн яармаг Сүхбаатарын талбайд эхэлнэ.

11:00 цагт

• Авлигатай тэмцэх газрын дэргэдэх Олон нийтийн зөвлөлөөс "Авлигын тор нэхэгчид УИХ-д үүрэлсэн байна" сэдвээр хэвлэлийн хурал зарлажээ.Хурал АТГ-н Олон нийтийн төвийн 105 тоотод болно.
•  Санхүүгийн зохицуулах хороо ҮЦАЭХ, мэргэшсэн нягтлан бодогчдын институт болон мэргэшсэн үнэлгээчдийн институттай хамтын ажиллагааны санамж бичиг байгуулна. 
• Нийслэлийн Хэвлэл мэдээллийн төвд: 9 дүгээр сарын 22-нд Автомашингүй өдөр болгон зарласантай холбогдуулан хэвлэлийн бага хурал зарлалаа. Нийслэлийн Тээврийн газар, Эрүүл мэндийн газар зэрэг холбогдох байгууллагын төлөөлөл оролцоно. 

12:30 цагт

• “Намрын ногоон өдрүүд” үзэсгэлэн арга хэмжээ Мишээл экспо төвд нээгдэнэ.

14:00 цагт

• “ Автотээврийн хэрэгслээс үүдэлтэй агаар, орчны бохирдлыг бууруулах нь” сэдэвт хэлэлцүүлэг Төрийн ордны “В” танхимд болно.

18:00 цагт

• “Дэлхийн Монголчууд” группээс зохион байгуулж байгаа Монголын түүхийн биет болон биет бус өвийг сурталчилан таниулах зорилтот ажлын хүрээнд алдарт туульч Цагаанзам Халимагийн түүх соёлын талаар лекц уншиж, Жангар туулиа хайлна.Уг арга хэмжээ Интерном дэлгүүрийн 301 тоотод болох юм.