09:30 цагт
- Үндсэн хуулийн цэц хуралдана.Иргэний болон Захиргааны хэргийн шүүхийн шийдвэр хүчин төгөлдөр болсноос хойш тодорхой хугацаа өнгөрсний дараа шийдвэр гүйцэтгэх ажиллагаа үүсгэхгүй байх хуулийн заалттай аж. Энэ заалт нь Үндсэн хууль зөрчсөн эсэхийг цэцийн хуралдаанаар хянан хэлэлцэх юм.
- “Дэлхийн соёлын өв-Бурхан халдун уул түүнийг хүрээлсэн тахилгат газар нутаг: судалгаа хадгалалт хамгаалалт” олон улсын эрдэм шинжилгээний хурал Монголын Үндэсний номын сангийн байранд болно.
10:40 цагт
- Төрийн тусгай албан хаагчдын нэгдсэн эмнэлэгт “Эрүүл мэндийг дэмжих төв” нээгдэнэ.
11:00 цагт
- "Намрын ногоон өдрүүд" нэгдсэн арга хэмжээний хүрээнд "Хүнсний ногоо, жимс бидний амьдралд" сэдэвчилсэн урлагийн арга хэмжээ, "Алсыг хар-органикийг сонго", "Хоол үйлдвэрлэл, үйлчилгээний салбарын эрх зүйн орчин" сэдэвт хэлэлцүүлгүүд Мишээл экспо төвд болно.
- Анагаахын Шинжлэх Ухааны Үндэсний Их Сургууль, JICA, Yamashita Sekkei байгууллагууд нь Япон улсын буцалтгүй тусламжаар баригдаж буй Япон Монголын Сургалтын эмнэлгийн төслийн барилгын ажлын гүйцэтгэл болон барилгын ажлын гүйцэтгэлийн шинэчилсэн төлөвлөгөөг танилцуулах хэвлэлийн бага хурал Хэвлэлийн хүрээлэнд болно.
- Монгол Улсын хэмжээнд хүүхдийн хараа хамгаалах өдрийг тэмдэглэн өнгөрүүлэх талаар ЭХЭМҮТ-өөс мэдээлэл хийнэ. Хэвлэлийн хурал MN-Мэдээллийн төвд болох юм.
14:00 цагт
- ШУА-ийн Олон улсын харилцааны хүрээлэн үүсэж хөгжсөний 50 жилийн ойд зориулсан олон улсын эрдэм шинжилгээний хурал Их тэнгэр цогцолборт болно.
- “Эерэг, аюулгүй, хариуцлагатай цахим орчин-Залуучуудын оролцоо” сэдэвт хэлэлцүүлэг Нийслэлийн Иргэний танхимд болно.
