Зэвсэгт хүчний “Алдар” спорт хорооны дасгалжуулагч, Спортын мастер, Хөдөлмөрийн хүндэт зүтгэлтэн Д.Энхтөр өнгөрөгч 27-ны өдөр таалал төгслөө.

Тэрбээр Мэргэжлийн Сумо бөхийн 69 дэхь Их аварга, Хөдөлмөрийн баатар, Гавьяат тамирчин Хакухо М.Даваажаргал,  МУГТ, Хөдөлмөрийн баатар, Дэлхийн аваргын хошой хүрэл медальт, Олимпийн мөнгөн медальт Д.Сумьяа, Дэлхийн аваргын хүрэл медальт, ОУХМ Ө.Дүүрэнбаяр, МУГТ М.Уранчимэг, Дэлхийн аварга П.Орхон, Үндэсний бөхийн Улсын аварга Ч.Санжаадамба нарын зэрэг хүндийн өргөлт, кураш, самбо, жүдо, чөлөөт бөхийн олон арван тамирчдын хүчний бэлтгэлийг хариуцан ажилладаг байлаа.

Улмаар Монголын спортын түүхэнд оруулсан хувь нэмрийг нь үнэлж 2017 онд Хөдөлмөрийн хүндэт медалиар шагнасан юм.

Түүний ар гэр, төрөл төрөгсөд, спортын ахан дүүст гүнээ эмгэнэл илэрхийлж байна. Ум сайн амгалан болтугай.

Л.Сайнбаяр