08:30 цагт "Гэр бүлийн хүчирхийлэл, жендерт суурилсан хүчирхийллээс урьдчилан сэргийлэх" сургалтыг НҮБ болон ЦЕГ хамтран "Премиум паласе" зочид буудлын хурлын танхимд зохион байгуулна.Сургалтад төв,орон нутгийн цагдаагийн газрын гэр бүлийн хүчирхийлэл хариуцсан ахлах мэргэжилтэн, сэтгэл зүйч нарыг оролцуулах юм.
09:00 цагт "Спорт ба хөгжил" биеийн тамир, спортын улсын IV зөвлөгөөн Төрийн ордонд эхэлнэ.Ерөнхий сайд У.Хүрэлсүхийн ивээл дор зохион байгуулагдах зөвлөгөөнөөр Биеийн тамир, спортын тухай хуулийн шинэчилсэн найруулгын үзэл баримтлал, агуулгын талаар спортын салбарынханд нэгдсэн ойлголт өгч, спортын хөгжлийг эрчимжүүлэх цогц асуудлыг хэлэлцэнэ.
09:30 цагт “Хүртээмжтэй даатгалын тухай олон нийтийн мэдлэг ба гамшгийн эрсдэлийн удирдлага” сэдэвт семинарыг Санхүүгийн зохицуулах хороо, ХБНГУ-ын Олон Улсын хамтын ажиллагааны GIZ байгууллага, Азийн орнуудын хүртээмжтэй даатгалын асуудлаарх мэдлэг, туршлага солилцох сүлжээ хамтран зохион байгуулна.
10:00 цагт “Вакцинаар хамтдаа сэргийльe" дархлаажуулалтын 10 хоногийн нээлт Уран зургийн галeрeйд болно.
11:00 цагт Нийслэл дэх Төрийн аудитын Газраас нийслэл, дүүргийн төсвийн болон орон нутгийн өмчит 164 газрын бүтэц, зохион байгуулалт, чиг үүргийн хэрэгжилтэд хийсэн аудитын ажил болон илэрсэн зөрчлүүдийг танилцуулна.
- "Монголын экспорт экспо-2018" нэгдсэн арга хэмжээний нээлт Мишээл экспо төвд болно.Уг арга хэмжээг Монгол Улсын Засгийн газрын хэрэг эрхлэх газар, Хүнс, хөдөө аж ахуй, хөнгөн үйлдвэрийн яамны санаачилгаар Монголын ноос ноолуурын холбоо, Монголын арьс ширний үйлдвэрлэлийн холбоо, Мишээл Экспо төвтэй хамтран зохион байгуулж байна.
-Иргэний хөдөлгөөнүүдээс “Эрдэнэс тавантолгой” компанийн хувь нийлүүлэгчдийн хурал хууль бус байсныг эсэргүүцэн MN-Мэдээллийн төвд хэвлэлийн бага хурал зарлалаа. Тэд уг асуудлаар төрийн гурван өндөрлөгт шаардлага хүргүүлэх аж.
11:30 цагт “CITY CUP-2018” боулингийн аварга шалгаруулах тэмцээний хэвлэлийн бага хурал “Мишээл экспо”-д байрлах “Биг боулинг” төвд болно. Улаанбаатар хотын боулингийн аварга шалгаруулах “CITY CUP- 2018” багийн төрлийн нээлттэй тэмцээн энэ сарын 27-28-нд болох юм.
13:00 цагт Эрүүл мэндийн сайд Д.Сарангэрэл, Улсын Нэгдүгээр төв эмнэлэгийн Нүд судлалын тасагт, Нүдний тусламж үйлчилгээ үзүүлэх орчин үeийн багаж, тоног төхөөрөмж гардуулж өгнө.
14:00 цагт Цайз захаас хойш өгсөх 0.850 км авто замын нээлт болно.
