Их засаг ОУИС-ийн II цогцолбор, Чингис Соосэ олон улсын харилцааны сургуулийн Эрх зүйн хөтөлбөрийн баг болон Их засаг ОУИС-ийн II цогцолборын дэргэдэх Оюутны эрдэм шинжилгээний хүрээлэнгээс хамтран Үндсэн хуулийн эрх зүйн салбар дахь судалгаа, шинжилгээний ажлыг дэмжих, оюутны эрдэм шинжилгээний ажлыг урамшуулж, тэдний бүтээлч сэтгэлгээ, шинжлэх ухаанч хандлагыг нэмэгдүүлэх, хууль зүйн шинжлэх ухааны болон бодлогын тулгамдаж буй зарим асуудлыг олж, илрүүлж, тодорхойлох зорилготойгоор Оюутны эрдэм шинжилгээний бага хурлыг зохион байгууллаа. Энэхүү хуралд 47 илтгэл ирснээс бичвэрийн шаардлага хангасан 25 илтгэлийг хэлэлцүүлэв.
Хуралд олон сонирхолтой илтгэл ирүүлсний дотор Эрх зүйн 237-р бүлгийн оюутан Г.Нямсамбуу "Үндсэн хуульд заасан хүний мэдээлэл авах, хайх эрхийн эрх зүйн тулгамдаж буй асуудал" сэдвээр тэргүүн байр, Эрх зүйн 233-р бүлгийн оюутан Б.Бямбадорж "ХХ зууны эхний хагас дахь тусгаар тогтнолын төлөөх тэмцэл, эрх чөлөөний үнэ цэнэ" сэдвээр дэд байр, ХЗС-ийн 310-р бүлгийн оюутан А.Доржсүрэн "Улс төрийн намын эрх зүйн зохицуулалтын хүрээнд" сэлвээр гутгаар байранд шалгарч "Их засаг-Орчин үе" Олон улсын оюутны ЭШБХ-д оролцох эрхийн бичгээр шагнагдав. Мөн тусгай байранд АБХС 326а бүлгийн оюутан Ж.Мөнх-Оргил, ОУЭЗ 332-р бүлгийн оюутан С.Өлзийсайхан нарын хамтарсан "Монгол улсын эрүүгийн хуулийн аргагүй хамгаалалтын зохицуулалт үндсэн хуультай зөрчилдсөн байдал" сэдэвт илтгэл, Эрх зүйн 334-р бүлгийн оюутан Б.Даариймаа "Монгол улсын иргэний харъяаллын талаар тулгамдаж буй зарим асуудал" сэдэвт илтгэл, ОУЭЗ 234-р бүлгийн оюутан Б.Бадамсүрэн "Үндсэн хуульд байгаа халдашгүй эрх, халдашгүй байдал" сэдэвт илтгэл, АБХС 226в бүлгийн оюутан Нарангэрэл, Ариунболор нарын хамтарсан "Элбэгдорж Ренчино ба нармай Монгол үзэл" сэдэвт илтгэлүүд тус тус шалгарлаа.
Л.Сайнаа
