УИХ-ын гишүүн О.Баасанхүү цаг үеийн асуудлаар мэдээлэл хийлээ.

Тэрбээр “Миний бие АН-ын зөвлөлийн дарга Д.Эрдэнэбатад зөвлөлтэй хамтарч ажиллах албан бичиг хүргүүлсэн. Албан бичгийн гол зорилго нь АН-ын зөвлөлтэй хамтран ажиллаж найман гишүүнтэй болох. Улмаар хүчтэй сөрөг хүчин болгоход хамтран ажиллая гэсэн агуулгатай. УИХ-ын тухай хуулийн 7.1 дэх заалтад “УИХ-ын гишүүн нь нам, эвслийн бүлэгт нэгдэж болно” гэсэн байдаг. Нам эвслийн бүлэгт нэгдсэнийг УИХ-ын дарга УИХ-ын чуулганы хуралдаанаар зарлах үүрэгтэй” гэж бий.

Би МАХН-ын гишүүний хувьд намаасаа гарахгүй.

Харин МАХН-ын зүгээс АН-ын бүлгийг хүчтэй сөрөг хүчин болгоход нэгдэцгээе гэж уриалж байна. Нэгдэх болсон гурван шалтгаан байна. Нэгдүгээрт, УИХ-д Үндсэн хуулийг өргөн барьсан. Энэ тохиолдолд суудалгүй намын зүгээс Монгол Улсын Ерөнхийлөгчид хүсэлт хүргүүлсэн байна. Хүсэлтэд үндэсний зөвшилцөх зөвлөл байгуулъя гэсэн. Ингээд УИХ-д хүчтэй сөрөг хүчин гаргах ёстой гэж ойлгож болно.

Хоёрдугаарт, Монгол Улсын иргэд 2016 оны сонгуулиар санал өгөхдөө МАН-д 65 суудал буюу Үндсэн хуулийг өөрчлөх эрхийг өгсөн.

Харин АН-д есөн гишүүн буюу бүлэг байгуулах эрх, МАХН-д нэг суудал буюу Ерөнхийлөгчийн сонгуульд оролцох эрхийг өгсөн. Гэтэл өнөөдөр улстөрчид сонгогчдоо сонсохгүй байна. Тухайлбал, Үндсэн хуулийг өөрчлөх эрхийг МАН авсан боловч ард түмнээсээ асуухгүй байна” гэсэн юм.

Р.Хишигжаргал