Нийслэлийн Нийтийн тээврийн газраас "U-Money" ухаалаг картын шинэ үйлчилгээний талаар мэдээлэл хийлээ.

Улаанбаатар смарт карт компаниас umoney.mn вэбсайтын үйлчилгээг нэвтрүүлжээ. Энэ нь иргэдэд тус картны төлбөр болон бусад мэдээллийн талаар дэлгэрэнгүй мэдээллийг хүргэх зорилготой аж.

Энэ талаар Улаанбаатар смарт карт компанийн “Шинэ бизнес” төслийг дэмжих албаны дарга М.Мөнхболд “Хэрэглэгчид дээрх вэбсайтад нэвтрэхийн тулд картын дугаарын 16 оронтой тоог оруулж, төлбөрийн дэлгэхэнгүй мэдээллийг авах юм. Үүнээс гадна нийтийн тээврийн үйлчилгээний талаар “Ub Smart” аппликейшнаар авдаг байсан бол дээрх сайтаар дамжуулан чиглэлийн мэдээллийг давхар авах боломжтой. Мөн ирэх сардаа багтан вэбсайтынхаа мобайл аппликейшныг нэвтрүүлэхээр ажиллаж байна. Андройд хэрэглэгчдийн хувьд NFC функцээр дамжуулан картынхаа бодит үлдэгдлийг шууд шалгахаараа давуу талтай юм. Хэрэглэгчдийн хувьд уг  аппликейшнаар дамжуулан картаа цэнэглэж болно.

Ub Smart bus” аппликейшны дараагийн шат буюу сайжруулалтыг хийж эхэлжээ. Энэ нь тухайн чиглэлийн автобус ойролцоогоор хэдэн минутын дараа ирэх болон тухайн цэгээс хөдөлсөн эсэхийг харуулахаар өмнөх аппликейшнаас онцлог байна.

Улаанбаатар смарт карт компаниас оюутнуудын дунд “You can change” уралдаан зарлажээ. Уралдааны хүрээнд оюутнууд өөрсдийн бүтээлч сэтгэлгээгээр видео хийх юм байна. Оюутнуудыг ирүүлсэн бүтээлийг тус компани өөрийн вэб хуудсанд байршуулж, үзэгчдийн сэтгэгдэл, лайк, шэйрийн тоогоор  шалгаруулах бөгөөд нэгдүгээр байр эзэлсэн бүтээлийг 3.0 сая төгрөг, хоёрдугаар байр эзэлсэн бүтээлийг 1.0 сая төгрөг, гутгаар байрыг 500.0 мянган төгрөгөөр тус тус шагнахаар болжээ.  Бүртгэл Улаанбаатар смарт карт компанийн байранд энэ сарын 25 буюу маргааш хүртэл үргэлжлэх аж.

Б.Лхам