Ерөнхийлөгчийн Тамгын газрын дарга З.Энхболд үүрэгт ажлаа хүлээлгэн өгөхөөр болсон бололтой. Өнгөрсөн долдугаар сард түүнийг ажлаа хүлээлгэн өгөх тухай яриа гарсан ч тэрбээр үгүйсгэсэн ч “Сонгуулийн өмнө сонгуульдаа бэлдэнэ шүү” хэмээж байсан удаатай. Харин энэ удаад Тамгын газрын даргын ажлаа хүлээлгэн өгч АН-ын үйл ажиллагаанд оролцохоор болсон гэнэ.

Эх сурвалжийн өгч буй мэдээллээр З.Энхболдыг АН-ын тэргүүн дэд даргаар томилохоор ярилцсан сурагтай. Ардчилсан хувьсгалын 30, АН үүсэн байгуулагдсан 29 жилийн ой өнгөрсөн дөрөвдүгээр сард болох үеэр тус нам зургаан дэд даргатай болсон байдаг. Харин энэ удаад Ерөнхийлөгчийн Тамгын газрын дарга З.Энхболдыг намдаа очих сургаар Тэргүүн дэд даргын албан тушаалыг бий болгох бололтой.

С.Сүлд