Тагнуулийн ерөнхий газрын дарга асан, хошууч генерал Б.Хурц нар холбогдох эрүүгийн хэргийн шүүх хурал өнөөдөр 09.00 цагаас эхэлсэн гэм буруугийн шүүх хурал дахиад хойшиллоо. Учир нь шүүх хурлын үеэр улсын яллагч нь шүүх бүрэлдэхүүнээс татгалзсан учир шүүх хурал ийнхүү хойшилжээайна.
Нийслэлийн Прокурорын газраас Б.Хурц О.Бямбажав, Г.Эрдэнэбат, О.Бархасбадь, Ж.Мөнхгал, С.Баяр, Ү.Отгонбаяр, С.Эрдэнэбат, Э.Өлзийбаяр нарт 2015 оны Эрүүгийн хуулийн ерөнхий ангийн 1.8 дугаар зүйлийн 1 дэх хэсэг, 1.9 дүгээр зүйлийн 2 дахь хэсэг, 2002 оны Эрүүгийн хуулийн ерөнхий ангийн 34 дүгээр зүйлийн 34.1, 35 дугаар зүйлийн 35.3, 36 дугаар зүйлийн 36.3 дахь хэсэгт заасныг тус тус журамлан Эрүүгийн хуулийн тусгай ангийн 133 дугаар зүйлийн 133.1, 251 дүгээр зүйлийн 251.1 дэх хэсэгт зааснаар яллах дүгнэлт үйлдэж, хэргийг Төв аймаг дахь сум дундын Эрүүгийн хэргийн анхан шатны шүүхэд шилжүүлсэн юм.
Уг хэргийн шүүх хуралдааныг 2020 оны тавдугаар сарын 20-ны өдрийн 09.00 цагт хэлэлцэж өмгөөлөгчдийн хүсэлтээр 2020 оны зургадугаар сарын 08-ыг хүртэл хойшлуулсан байсан юм. Гэвч ийнхүү дахин хойшиллоо.
Шүүх хуралдааны бүрэлдэхүүнд Ц.Отгонжаргал, Ш.Гандансүрэн, Ю.Энхмаа нарын шүүгч нар оролцсон бол өмгөөлөгчөөр Т.Туул, Г.Цолмонгэрэл, Д.Дэлгэрцэцэг, Ц.Хүрэлбаатар, Д.Дандийядам, Б.Энх-Эрдэнэ, П.Ундрах-Эрдэнэ, Н.Буянжаргал, Ж.Батхуяг, Г.Батбаяр, Ц.Туяа, Э.Хашчулуун, Б.Мэргэн, Ц.Гүенбат, С.Оюунцэцэг, Д.Оюунчимэг, Ц.Баярмаа нар байлцсан байна.
Сэтгэгдэл (11)