УИХ-ын 2020 оны ээлжит сонгуульд Сэлэнгэ аймагт "Сахигтун Үндсэн хууль-19" эвслийн сонгуулийн штабынхан Дарханы замд осолдож, хоёр иргэн нас баржээ. Ослын үеэр тус эвслийн гишүүн Жамъяандорж, Мөнхсайхан нар амиа алдсан бол гурван иргэний бие маш хүнд байгаа юм байна. Тэднийг Дархан-Уул аймгийн Нэгдсэн эмнэлэгт хүргэж, яаралтай тусламж үзүүлж байгаа гэсэн мэдээлэл байна. 

Амиа алдсан иргэдийн ар гэрийнхэнд тус эвслийн гишүүн Х.Бат-Ялалт болон тус эвслийн гишүүд эмгэнэл илэрхийлж "Газар шороо, эх нутгийнхаа төлөө үнэнчээр зүтгэж ирсэн журмын хоёр анд минь тэнгэрт халилаа. 

Журмын анд Жамъяандорж, Мөнхсайханынхаа ариун үйл хэргийг үргэлжлүүлж, эх орондоо шударга ёсыг тогтоохыг төлөө чигч шугмаар тэмцэх болно. Талийгаачдын ар гэрт гүн эмгэнэл илэрхийлье" гэлээ.