УИХ-ын сонгуулийн 22 дугаар тойрогт "Сахигтун, Үндсэн хууль 19" эвслээс нэр дэвшигч Л.Наранбаатарын нэхэмжлэлтэй шүүх хурал энэ сарын 16-ынг хүртэл хойшиллоо.
Тодруулбал, Сонгуулийн ерөнхий хороонд холбогдох захиргааны хэргийн шүүх хуралдаан энэ сарын 12-ны өдрийн 16.00 цагт Захиргааны хэргийн давж заалдах шатны шүүхэд боллоо. Шүүх хуралдааны үеэр Шагдарын Ганболдын гаргасан бие даасан нэхэмжлэлийн шаардлагыг хүлээн авахаас татгалзаж, харин бие даасан шаардлага гаргаагүй гуравдагч этгээдээр оролцох хүсэлтийг хангаж, улмаар холбогдох ажиллагааг явуулахаар тус шүүх хуралдааныг хойшлуулж, 2020 оны зургадугаар сарын 16-ны өдрийн 15 цагт хийхээр товлосон байна. Энэ таоаар Л.Наранбаатар мэдээлэл хийсэн юм. Тэрбээр "Ямар ч хүн Үндсэн хуулинд тусгагдсан сонгох, сонгогдох эрхээ эдлэх хэрэгтэй. Энэ эрхийг сонгуулийн ерөнхий хороо бүдүүлгээр, миний өрсөлдөгчдийн захиалгаар хийж байгаа нь нотлогдож байна. Тиймээс залуучуудыг шударгаар өрсөлдөх боломжийг олгооч.
Шүүх хурлаа үргэлжлүүлэх саналыг тавьсан. Шүүх хурал хүлээж авсан. Гэхдээ өнөөдөр шүүх хурал болно гэж найдахгүй байна. Манай хуульч хэн гэдэг нь мэдэгдэхгүй, утсаа салгаад алга болсон иргэдийн төлөөлөгчийг солихыг шаардсан. Би шүүхэд найдаж байна. Шүүх миний өрсөлдөгчийн гар хөл болоод явахгүй байх. Би хоёр газраас зэрэг нэр дэвших тэнэг хүн биш. "Зөв электорат" эвслээс нэр дэвших санал тавьсан ч би татгалзсан. "Сахигтан, Үндсэн хууль 19" эвслээс би нэр дэвшсэн. Сонгох, сонгогдох эрхээ эдлэх ажлаа зогсоохгүй. Шударга үнэн шүүхээр шийдүүлэхийн төлөө явна. Би ялна гэдэгтээ итгэлтэй байна" гэсэн юм.
Сэтгэгдэл (6)