Сонгуулийн үеийн гэмт хэрэг, зөрчлийн талаар Тагнуулын ерөнхий газар, Цагдаагийн ерөнхий газар хамтран мэдээлэл хийлээ.
Тагнуулын ерөнхий газрын Олон нийттэй харилцах газрын дарга Б.Баярхүү “Иргэний, улс төрийн эрх, эрх чөлөөний эсрэг гэмт хэрэг зөрчлийн талаар нийт 89 гомдол мэдээлэл бүртгэгдэн шалгагдаж байна. Тодруулбал, гэмт хэрэг зөрчлийн шинжтэй 89 гомдол мэдээллийн 90 хувийг гэмт хэр шинжтэй гомдол мэдээлэл, үлдсэн хувийг зөрчлийн шинжтэй гомдол мэдээлэл эзэлж байна.
Үүнээс илт худал мэдээлэл тараах тав, сонгуулийн хорооны ажилд саад болох хоёр, санал асуулгад хууль бусаар нөлөөлөх нэг нийт найман хэрэгт хэрэг бүртгэлтийн хэрэг нээсэн. Харин зөрчлийн есөн гомдлыг харьяаллын дагуу шилжүүлсэн. Сонгогчдод мөнгө, аялал амралтад явуулах, бэлэг өгөх зэрэг гомдол 11 ирсэн.
Сонгуулийн үеэр холбогдох хууль тогтоомжийг дагаж мөрдөж ажиллах талаар Тагнуулын байгууллага, Цагдаагийн байгууллагаас албан шаардлага өгсөөр байтал зарим нам, эвсэл улс төрийн хүчин, нэр дэвшигчид цахим хэрэгсэл ашиглан бусдыг нэр хүндийг гутааж, сонгогчийн саналыг худалдан авахаар мөнгө тараах зэрэг үйлдэл гаргаж байгаа тул яаралтай таслан сэргийлэх арга хэмжээ авч ажиллаж байна” гэлээ.
А.Сүх
Сэтгэгдэл (5)