Сонгуулийн үеийн гэмт хэрэг, зөрчлийн талаар Тагнуулын ерөнхий газар, Цагдаагийн ерөнхий газар хамтран мэдээлэл хийлээ.

Цагдаагийн дэд хурандаа И.Чинбат “Сонгуулийн сурталчилгаа эхэлсэн өдрөөс хойш өнөөдрийг хүртэлх хугацаанд нийт 1118 гэмт хэрэг зөрёлийн дуудлага бүртгэгдсэн. Үүний 518 дуудлага мэдээлэл нь нийслэлд бүртгэгдсэн.

Шалгалтын явцад 36 хэрэгт зөрчлийн хээрг нээж, гурван хэрэгт эрүүгийн хэрэг үүсгэн шүүхэд шилжүүлсэн. Мөн зөрчил үйлдсэн 9 хүнд шийтгэл оногдуулсан. Цагдаагийн байгууллага иргэдийн өгсөн мэдээллийн дагуу иргэд сонгогчдын саналыг худалдах гэсэн хууль бус оролдлогыг илрүүлж, холбогдох хууль тогтоомжид заасны дагуу арга хэмжээ тооцон ажиллаж байна.

Тодруулбал, Хөвсгөл аймгийн Бүрэнтогтох суманд нэр бүхий намын сонгуулийн штабын ажилчид энэ сарын 5-нд тус сумын хөгжлийн бэрхшээлтэй иргэдэд хашаа барьж өгсөн талаар шалгагдсан. Уг асуудлыг шалгаж, хэргийг шүүхэд шилжүүлэн холбогдогч Б-д 20 мянган нэгжтэй тэнцэх хэмжээний торгууль оногдуулсан.

Мөн Дундговь аймагт нэр дэвшигч 300 мотоцикл авчирч, тойрог дээрээ хадгалж байсан нь тогтоогдсон” гэлээ.

А.Сүх