Хууль зүй, дотоод хэргийн сайд Х.Нямбаатар анхны тушаалаа гаргасан нь акедемич С.Нарангэрэл байв. Шинжлэх ухааны гавьяат зүтгэлтэн, хууль зүйн шинжлэх ухааны доктор (Sc.D), профессор, Япон улсын Нагояагийн их сургуулийн хүндэт доктор, академич С.Нарангэрэлийг орон тооны зөвлөхөөрөө томилсон нь энэ.

МУИС-ийн зөвлөх профессор С.Нарангэрэл нь Монголын хууль зүйн боловсрол, шинжлэх ухааны төдийгүй нийгмийн зүтгэлтний нэг. Тэрбээр МУИС-ийг 1975 онд дүүргэж, сургуульдаа багшаар үлдсэн байдаг. Түүний хувьд 1991-1992 онд Улсын Бага Хурлын дэргэдэх Төр, нийгэм судлалын Академийн дэд захирал, 1999-2010 онд МУИС-ийн Хууль зүйн сургуулийн захирлаар  ажиллажээ.

1992-1996 онд УИХ-ын гишүүнээр сонгогдон, эрх зүйн шинэчлэлд хувь нэмрээ оруулж ирсэн байдаг. Тэрбээр нийслэлийн ерөнхий Прокурорын орлогч, Улсын Ерөнхий прокурорын туслах бөгөөд шүүн таслах ажиллагаанд хяналт тавих хэлтсийн дарга, Монголын өмгөөлөгчдийн Холбооны ерөнхийлөгчөөр ажиллаж байсан нэгэн юм. Сүүлд тэрбээр МАХН-ын дарга Н.Энхбаярын өмгөөлөгчөөр ажиллаж байсан удаатай.

С.Нарангэрэл нь: 

• 1961-1971 онд Улаанбаатар хотын ерөнхий боловсролын сургууль
• 1971-1975 онд МУИС-ийн Хуулийн салбар
• 1984-1988 онд ЗХУ-ын Москва хотноо Бүх Холбоотын Институтын аспирантур
• 1975-1985 онд МУИС-ийн Хууль зүйн сургуульд багш
• 1985-1988 онд Улаанбаатар хотын Ерөнхий прокурорын орлогч
• 1988-1990 онд Улсын Ерөнхий прокурорын туслах
• 1990-1991 онд Засгийн газрын дэргэдэх судалгааны төвийн эрдэм шинжилгээний ахлах ажилтан
• 1991-1992 онд Парламентын дэргэдэх академийн дэд захирал
• 1992-1996 онд УИХ-ын гишүүн
• 1996-1997 онд МУИС-ийн Хууль зүйн сургуульд профессор
• 1997-2000 онд Монголын Өмгөөлөгчдийн Холбооны Ерөнхийлөгч
• 1999-2010 онд МУИС-ийн Хууль зүйн сургуулийн захирал
• 2010 оноос МУИС-ийн Хууль зүйн сургуулийн профессор

С.Сүлд