Төрийн албаны зөвлөл 2020 оны эхний хагас жилийн ажлын тайлангаа гаргаж, энэ онд дэвшүүлсэн зорилт, төлөвлөсөн ажлуудынхаа хэрэгжилтийн явцыг хэлэлцжээ.

Төрийн албаны мерит /чадахуйн/ зарчмыг сахиулж, иргэдийн итгэл хүлээсэн төрийн албыг төлөвшүүлэх зорилгын хүрээнд төрийн албаны шинэтгэлийг жигд, хүртээмжтэй, тууштай хэрэгжүүлэх талаар хийгдсэн 20 ажлыг Төрийн албаны зөвлөлийн дарга Б.Баатарзориг онцолсон байна.

2020 онд төрийн албаны хууль, тогтоомжийг бүрэн агуулгаар нь хэрэгжүүлэх, төрийн албаны шинэтгэлийг эрчимжүүлэхэд бодлого, үйл ажиллагаагаа чиглүүлжээ. Мөн төрийн албаны тогтвортой байдлыг өндөр хариуцлага, сайн гүйцэтгэл, ёс зүйтэй тэнцвэржүүлэн ажиллахыг төрийн албан хаагчдад үүрэг болгожээ.

Дэлхий нийтийг хамарсан КОВИД-19 цар тахлын үед Монгол Улсын төрийн байгууллагуудыг тогтвортой, урьдчилан төсөөлөх боломжтой, үр ашигтай үйлчилгээг иргэдэд хүргэх талаар бодлогын болон арга зүйн удирдлагаар хангаж, хяналт тавин ажиллажээ.

Төрийн албаны зөвлөлийн 2020 оны эхний хагас жилийн онцлох 20 ажлыг http://csc.gov.mn/s/44/746 цахим хуудсаас үзнэ үү. Тус байгууллага 2019 онд хийсэн ажлуудаасаа 19 ажлыг мөн http://www.csc.gov.mn/s/44/703/ онцолсон байна.