22-р хэсэг

Орой Цэцэгээ ажлаасаа ирэн Зоригтыг ирсэнд баярлан бас найз бүсгүйтэй нь танилцав. Золоо, Баярцэцэгийг дагуулан өрөөнд нь орж хонохоор болжээ. Учир нь Зоригт болон Ундармаа хоёроос олон зүйл шалгаагаад ам нь хуурай байхгүй байсан тул Энхриймаа түүнийг амьхандаа холдуулж байгаа нь энэ ... Цэцэгээ, Энхриймаа хоёр хүүхдүүдээ унтуулчихаад өнөөх буйдан дээрээ сууцгаан ярилцана. Цэцэгээ ... санаа алдангуй ...

-Өнөөдөр Төрөө ажил дээр орж ирсэн .. Хөөрхий минь турсан гэж жигтэйхэн би нүд хальтраад ийм залуу байгаагүй дээ гэж бодсон өнөөдөрөөс ажилдаа орж байгаа юм гэнэ ...

-Хөөрхий дөө намайг зовж зүдэрч явах цагт ямар их тус болж байсан гэж санана . чиний мэдэхгүй зүйлс бий бий найз нь их муу хүн юм даа. Ийм үед нь хажууд нь байж чадахгүй. Өөрөө жаргалтай сайхан амьтан байгаад байдаг... бодохоор л өрөвдөөд байх юм .. -Миний найз Төрөөтэй нэг уулзаж ядаж сэтгэл санаагаар дэмжвэл чи юу гэж бодож байна. -Харин л дээ... \санаа алдав\ Цэцэгээ ярианы сэдэв өөрчлөн: Урнаа бас манай ажил дээр ирээд уйлсан амьтан л ирээд явлаа. Цэгмидийн хэрэг шүүх рүү шилжиж байгаан байхаа.. Цаад хүнд гарууд нь олон удаагийн үйлдэлтэй том хулгайч нар байж муу дүүг минь хөлдөө чирээд амьдарлыг нь балалчих вий дээ. Урнааг хараад өнөөдөр ямар их өрөвдөв дөө. Яамаар юм бэ дээ мэдэхгүй. Ахын минь ганц хүү юм шүү дээ. Шоронгийн хаалга татуулчихвал би ахынхаа нүүрийг яаж харах билээ. Цэцгээгийн нулимс бүрхээд ирэв. Энхриймаа, Цэцэгээг аргадан ...

-Арай шоронд жаахан хүүхэд аваачаад цоожилчихгүй байлгүй дээ... өө нээрээ аавын нэг найз бий дээ хэн билээ дээ мартчихаж ээ ямарч байсан орост нэг байранд цуг байсан юм гэсэн манайхаар ирдэг байсанч аав архинд ороод өнөө найз нь ч чи архи ингэж уух юм бол харьцахгүй гээд гарч явж байсанг санаж байна. тэр ах нилээн том албан тушаал хашдаг хүн байх шүү. Цэцэгээ , Энхриймаа руу горьдлого найдварын гал ассан нүдээр харан - Тийм гэж үү? - Тиймээ найз нь маргааш ааваас асуугаад нэг үзье. Үй зайгүй найзууд байсан аав одоо уухаа байсан юм чинь тоож юун магад...

-Тэгээрэй миний найз асуугаад ...

-За одоо миний найз тайван сайхан амараарай ойлгосон уу? Энхриймаа өрөөндөө ороод унтаад өгөв. Цэцэгээ зурагтныхаа урд буйдан дээр Баянжаргалын унтаж буй царайг өхөөрдөн хараад хацар дээр нь үнсээд ... сэтгэлдээ Баянмөнхийг асар их санаж байвч Өвөө бас амин найз Янжаа нь хажууд нь байгаа гэхээр тайвширч байлаа. Ажил нь хол тул өглөө эрт эхний автобусаар шахуу Цэцэгээ гэрээсээ гардаг билээ. Тэр ёсоор эрт босон ажилдаа явав. Хүүхдүүд ч босч хичээл цэцэрлэгтээ явцгаав. Зоригт , Ундармаа хоёр орж ирэн Энхцэцэгийг үнсээд - За ах нь явлаа хадамуудтайгаа танилцаад ирье амжилт хүсээрэй . . за эгч дүү нь маргааш өглөө ирье. За бака ..

-Хүүе та хоёр цай уугаад гараач юм хум идсэн юм уу?

-Идсээн эгч зүгээр ... Зоригт гараад явав. Энхриймаа, хайр татах үрээн хараад ямар үйлдэл хийх гэж байсанаасаа өөрөө ичин .. үр минь ээж нь чамайгаа яаж тэгж бодож чадсан юм бол миний охиныг аварсан ачтан бол хоёрдугаар ээж чинь Цэцэгдэлгэр юм шүү дээ гэж шивнэн инээмсэглэв. Гаднаас Бадрал ёстойл гоё ганган гэх хувцасаа өмсөөд ороод ирэв. Энхриймаа гайхан

-Хүүе аав минь та чинь яасан гоё болчихсон юм бэ? хаачих гэж байгаа юм.

-Аав нь өчигдөр шөнөжин бодож хонолоо..хүү минь эхнэртэй болох гэж байгаа юм байна. Аав нь алдаагаа засна аа. Хүүдээ юу ч өвлүүлж үлдээж чадахгүй эцэг хүн гэж яваад яахав. Аав нь ажилдаа орно оо.

-Аав минь дээ. Таныг хуучин ажил чинь авахгүйл болов уу? бөөн өрөнд унагаасан гээд хэсэг асуудал үүссэн биз дээ.

-Миний хоёр гар хөдөлж байгаа цагт аав нь алзахгүй ээ. Архи дарсаа ч больчихсон учирлаж гуйгаад сөгдөөд ч болов орно доо. Би тэр газар ямар их юм хийлээ дээ мартчаагүйл байлгүй .. Энхриймаа аавыгаа үнэхээр сэтгэлийнхээ гүнээс хэлж байгааг мэдрэв. Тэрээр өчигдөрийн ярьсан аа санан..

-Ааваа танд нэг хэлэх юм байна аа...

-Юу миний охин хэл хэл... Энхриймаа, Цэгмидийн болсон хэрэг болоод бүгдийг аавдаа өөрийн мэдэх хэмжээгээр хэлээд ... Ахынх нь ганц хүү болохоор манай Цэцэгээ шаналаад байх шиг байна. Ах нь харин солонгост харалчихсан болохоор наашаа ирэх хэцүү зарим юмаа Цэцэгээ ахаасаа одоохондоо нуугаад байгаа юм шиг байна лээ.

-Хурандаа Тайвантай уулзах юм байна даа. Муу найзыгаа их ч гомдоосон доо. Намайг архинаас гарсанг хараад ганц баярлах хүн чинь Тайван ах чинь даа бусад нь ч цагаан атаархалтай хүн гэж муухай юм аа. аавд нь архи задалж өгсөн хөгийн арчаагүй найз нар хүртэл байна. Хүний сайн сайханд яагаад баярлаж болдоггүй юм бол... за тэр ч яахав. Цэцэгээдээ тус бололгүй яахав. Бид нарт бас чамд ямар их тус дэм болж байна .Бид энэ сайхан сэтгэлтэй бүсгүйд өртэй хүмүүс шүү. Хүн юугаар ч тусалж болно. Чадхаараа аав нь хөл хүрэх газраараа явна аа. Байрны найзууд минь бүгд томорцгоосон хогийн архичин би л .... гээд санаа алдан Хурандаатай уулзана аа гэсээр гараад явчихав. Энхриймаа аавынхаа занг сайн мэдэх тул сая нэг санаа амарч ... хөөрхий дөө муу аав минь орост сургууль төгссөн мундаг хүн дээ. Даанч одоо тоодог болов уу даа. Үнэхээр Бадрал архинд ороогүй бол амьдрал нь ямар байх байсанг таашгүй . тийм чадалтай .. инжнер хүн байсан билээ...

23-р хэсэг

Үд өнгөрч байв. Гадаа машин чагнаалдах сонсогдов. Энхриймаа цонхоор харвал Сүрэн хашааны хаалга онгойлгох гэж буй бололтой хаалга руу алхана. Энхриймаа хэн байдаг билээ гээд лавлан харвал Хоролоо хөгшин тортой юм барьчихсан хаалгаар орж ирж байв. Энхриймаа нүдэндээ итгэж ядан энэ чинь ... яадаг билээ.. гэсээр халаадаа нөмрөн байшингийн хаалгаар гаран Хоролоо хөгшинг тосон очив. Хоролоо хөгшин ..Энхриймааг үнсээд

-Ишш чи минь яасан их тураав дээ. Энхцэцэгийгээ санаад болдоггүй бүр нойр хулжаад өнөөдөр Бумааг хүргэж өг гэж загнах шахам хэлж байж ирлээ.

-Яанаа харин бид очих ёстой юмсан .. яадаг билээ .. уучил эгч минь..

-Хүүхэдтэй хүн яаж ийм хол газар явах вэ ?

-За орцгооё .. алив гэсээр Хоролоо хөгшинийг түшин .. Бумаа ингэхэд хаачаав.

-Энэ хавьд хүнтэй уулзах ажилтай гээд сая явчихлаа. Муу золиг зодоон цохион хийсэн бололтой.. нүүр ам нь шалбарчихсан юм надад загнуулаад ... чамаас ичиж байгаа юм байлгүй дээ.

-Тэгээд бие нь зүгээр биз дээ.. яасан юм бол доо.

-Хэн мэдэх вэ? Шөнө гадаа машин чагнаалдах шиг л болсон юм .. зөндөө удаж орж ирсэн би анзаараагүй .. Өглөө л харлаа... Энхриймаа .. Хоролоо хөгшинийг түшин гэртээ орон цай аягалан тавагтай идээ урд нь тавив. Сүрэн хөгшинийг их л дотноор - Та минь манай Энхцэцэгт их сайн юм аа даа. Арга ч үгүй биз дээ. Эмээ нь болсон би төрөх үед нь ч хажууд нь байж чадаагүй. Та л миний муу охинд тус болсон доо.

-Нэг нэгэндээ тус дэм болох нь дээдсээс минь өвлөгдсөн нэг ёсондоо ёс юм шүү дээ. Энхцэцэг минь хаана байна. Энхриймаа, Энхцэцэгийг өрөөнөөс нь тэврэн авчираад Хоролоо хөгшиний энгэрт тэврүүлэв. Хоролоо хөгшин Энхцэцэгийг үнэрлэн нулимсаа унагасанч жижигхэн бор гараараа арчаад...

-Жаалыгаа яасан их санав даа. Зурагтаар хүүхэд гарахаар л санах юм. Охины минь хүүхдүүд ирэх хэдийч бага байхаас цаад эмээ, өвөөтэйгөө ойр дотно гэрт ер тогтохгүй юм. Хоролоо хөгшин Энхцэцэгт үнэн зүрхнээс сайн билээ. Яагаад сайн байдагийг ч Энхриймаа гадарладаг яг Цэндээхүү хөгшин насан эцэслээд удаагүй байхад тэдний хашаанд нялх хүүхдийн дуу цангинаж Хоролоо хөгшиний уйтгар гунигийг бага боловч үргээсэн болохоор гэж боддог юмсанж... Хоролоо эргэн тойрноо ажиглан харангаа..

-Энэ Цэцэгээгийн нөгөө яриад байсан байшин байх нь ээ. Яасан элбэг байшин бэ? Та хэд минь сайхан байшинд оржээ. Хашаа нь ч том юм. Энхцэцэг минь эмээ, өвөөгийнхөө хажууд ирчихсэн хойно одоо алзахгүй ээ. Та хэдийгээ ийм сайхан байгаад хөгшин миний санаа ч амарлаа... Энхриймаа .. Хоролоо хөгшинийг ганцаараа яаж өдөр хоногийг өнгөрөөж байгаа бол гэж бодохоор маш ихээр өрөвдөв. Бумаа мэдээж ажил гээд явчихана гэрт Хоролоо хөгшин л үлддэг байж таараа ... Надад ямар их тус дэмтэй байлаа даа. Болдог бол .... гэж бодонгоо ..

-Та өнөөдөр энд хоноод явна биз дээ .. хол газар ирчихээд... Одоо удахгүй Баярцэцэг.. Баянжаргал хоёр ч ирнэ.

-Уул нь ч .. Бумаа тэхдээ юу гэх юм бол доо..

-Би хэлчихэнэ ээ... та хоноод яв.. Хоролоо хөгшин дотороо хүүхэд адил баярлан дээлээ тайлан тухлаад Энхцэцэгийг энгэртээ тэвэрсээр суув.. Тэдний ижил дасал болсон сэтгэл зүрх төрснөөс өөрцгүй магадгүй түүнээс илүү ч байж мэдэх юм... Сүрэн, Хоролоо хөгшин хоёр элдвийг хуучлан ярилцаж суусаар Сүрэн цаг харан - Өө Баянааг цэцэрлэгээс нь авах цаг болжээ.. Би явчихаад ирье. Та одоо охиныг Энхриймааг тэврүүлээд сайхан амраад байж бай.. ядарчихлаа..

-Зүгээр дээ. Би юу гэж ядрах вэ? дээ .. Энхриймаа .. охиноо Хоролоо хөгшинөөс аван хөхүүлээд унтуулав. Баярцэцэг хаалгаар орж ирэн Хоролоо хөгшинийг харан баярлан гүйн ирж тэврээд..

-Эмээ .. та хэзээ ирсэн юм бэ? Би энэ амралтын өдрөөр танайд очно гэж ээжтэй уул нь ярьсан юм.

-Эмээ нь хэдэн цагийн өмнө ирсээн миний охины хичээл ном сайн уу? ивий минь гэж ямар их санав даа. Алив миний хүү ... Хөгшин тортой юмнаасаа чихэр атгаад Баярцэцэгт өгөв. Баярцэцэг баярлан аваад нэгийг задлан амандаа хийн

-Эмээ таны авдарны чихэр мөн байна. тэхдээ яагаад таны авдарны чихэр бусад дэлгүүрийн чихэрнээс илүү амттай байдаг юм бол .. уул нь адилхан л чихэрнүүд...

-Охин минь дээ.. Чихрэндээ гол нь биш шүү дээ. гээд хацар дээр нь үнсэв. Хоролоо хөгшины авдарны чихэрийг бүтэн жил идсэн хүүхдүүд яалт ч үгүй.. Цэцэгээгийн хүүхдүүд билээ. Хоролоо хөгшинч тэтгэвэрээ буухаад заавал чихэр авдаг байсан юмсанж. Энхриймаа хоол хийхээр мах гарган хэрчинэ. Хоролоо хөгшин Баярцэцэгийг хажуудаа суулган толгойг нь илэн яриа өрнүүлнэ. Баярцэцэг, Хоролоо хоёр үнэхээр дотно билээ. Удалгүй Баянжаргалч ирж Хоролоо хөгшинийг харан мөн л гүйн ирэв. Энэ бол үнэхээр Хоролоо хөгшин ямар сайн хүн бэ? гэдгийг гэрчилнэ. Орой болж Цэцэгээ ажлаасаа ирэв. Хоролоо хөгшин рүү нүдээ томруулан харсан аа.

-Та минь хэзээ ирээ вэ? ... ямар сонин хүн бэ? Бид очих ёстой юмсан .. уучлаарай эгч минь .. гээд Хоролоо хөгшинд ирж үнсүүлэв..

-Та хэдийгээ санаад тэсэхгүй хүрээд ирлээ...

-Би амралтын өдөр очих гээд л бодоод байлаа. За та хоёр минь ямаршуу байна. Цэцэгээ, Хоролоо хөгшин хоёр бас л яриа өрнүүлэн нилээн орой болгов. Гадна машин чагнаалдав.

Хард Билгүүн

Үргэлжлэл бий...

Өмнө нь: 

Зүрх сэтгэл-II /1-р хэсэг/ https://www.24tsag.mn/a/184060

Зүрх сэтгэл-II /2-р хэсэг/  https://www.24tsag.mn/a/184071

Зүрх сэтгэл-II /3-р хэсэг/  https://www.24tsag.mn/a/184097

Зүрх сэтгэл-II /4-р хэсэг/  https://www.24tsag.mn/a/184146

Зүрх сэтгэл-II /5-р хэсэг/  https://www.24tsag.mn/a/184164

Зүрх сэтгэл-II /6-р хэсэг/  https://www.24tsag.mn/a/184203

Зүрх сэтгэл-II /7-р хэсэг/  https://www.24tsag.mn/a/184529

Зүрх сэтгэл-II /8-р хэсэг/  https://www.24tsag.mn/a/184570

Зүрх сэтгэл-II /9-р хэсэг/  https://www.24tsag.mn/a/184596

Зүрх сэтгэл-II /10-р хэсэг/  https://www.24tsag.mn/a/184630