ТЕГ-ын дарга асан Д.Гэрэл “Миний нэр хүндэд халдсан” хэмээн нь Зариг.мн сайтыг шүүхэд өгсөн билээ. Уг хэргийг шүүх хурал өмнө гурван удаа хойшилсон. Харин дөрөв дэх удаагаа товлосон шүүх хурал өнөө өглөө Сүхбаатар дүүргийн Иргэний хэргийн анхан шатны шүүхэд эхэлсэн юм. Энэ удаагийн шүүх хуралд Д.Гэрэлийн итгэмжлэгдсэн төлөөлөгч, өмгөөлөгч хоёр нь ирсэн байна.

Энэ үеэр Зариг.мн сайтын эрхлэгч Н.Өнөрцэцэг: ТЕГ-ын дарга асан Д.Гэрэлийн нэхэмжлэлтэй холбоотой өнөөдрийн шүүх хурал дахин хойшилно гэж бодохгүй байна.

Бид Д.Гэрэлийн нэр төрд халдаагүй. Харин түүний хүү Г.Аранзалын компанийн үйл ажиллагааны талаар мэдээлсэн. Д.Гэрэл даргын хүүгийн нэр дээр алтны уурхайн компани байдгийг шүүх нотолчихсон. Гэтэл яагаад нэр хүндэд халдсан гээд байгааг ойлгохгүй байна” гэж байв.

Шүүх хуралдаан үргэлжилж байна.

У.Тэргэл