УИХ-ын дарга коронавирусний халдвараас сэргийлэх зорилгоор ял эдэлж буй хүмүүсийн тодорхой хувийг суллах асуудлыг судалж байгаа. Дэлхийн олон оронд цар тахлын үед хамгийн эрсдэлтэйд шоронгийн нөхцөлийг тооцож байгаа. Тиймээс ялаас чөлөөлөх, өршөөл үзүүлэх асуудлыг ярьж байна. Монгол Улсын Ерөнхийлөгч ҮАБЗ-ийн түвшинд судалж үзэхийг чиглэл болгосон. Энэ хүрээнд хууль эрх зүйн орчныг бүрдүүлж, өршөөл. уучлал үзүүлэх нэг удаагийн хуулийн боломжийг судалж байна” гэсэн юм.
Ирэх 2021 онд Ардын хувьсгалын 100 жил, МАН-ын түүхт 100 жилийн тэгш ой тохионо. Энэ нь Монгол Улсын Ерөнхийлөгч болоод МАН-ын хувьд Өршөөлийн тухай хуулийг батлах хамгийн тохиромжтой таатай үе гэж хэлж болно.
Монголын төр 1990 оноос хойш 30 жилийн хугацаанд 4-6 жилийн давтамжтайгаар Өршөөлийн тухай хуулийг зургаан удаа баталсан байдаг. Өршөөсөн хэрэгт дан ганц эрүүгийн бус захиргааны шийтгэл хүлээсэн, хугацаа хэтрүүлсэн өр, төлбөр, торгуулийн ялыг хүртэл хамруулдаг. Энэ удаад эрх баригчид Өршөөлийн тухай хуулийг батлах тохиолдолд ялтныг чөлөөлөхөөсөө илүүтэй иргэдээ эдийн засгаар нь дэмжих талыг онцгойлон харах нь зүйтэй мэт.
Цар тахлын хүнд энэ үед олон айл өрх, аж ахуйн нэгж, байгууллага эдийн засгийн хувьд сөхөрсөн байгаа. Тиймээс Монголбанкны “Хар данс”-ныхныг нэг удаад өршөөх нь хамгийн цагаа олсон шийдвэр болно. “Ковид-19” цар тахлын улмаас ажилгүй болсон, аж ахуйн нэгж нь дампуурсан, хугацаа хэтрүүлсэн зээлтэйгээс Монголбанкны “хар данс”-нд орсон хүн олон.
Тэдгээрийг чөлөөлбөл олон хүн эдийн засгийн эрүүл түүхтэй болно. Дахин зээл авах боломжтой болж, хувийн үйлдвэрлэл, аж ахуй, өрх гэрээ өөд татна. Амьжиргаа нь дээшлэхээс гадна арилжааны банкуудад ч ашигтай гээд тоочвол ашиг тус их юм.
У.Тэргэл
Сэтгэгдэл (6)