Баян-Өлгий аймгийн иргэдийн 60 орчим хувь нь халамжаас мөнгө авдаг асуудал өнгөрсөн долоо хоногийн гол сэдвийн нэг болсон. Эл үйл явдал халамжийн мөнгө зорилтот бүлэгтээ очиж байгаа эсэхийг дахин нягтлах шаардлагатай гэдгийг харууллаа.
Манай улсын халамжийн мөнгөний бодлого хэрээс хэтэрч буйг гадна дотнын мэргэжилтнүүд анхааруулсаар буй. 2021 оны төсөвт орлого олдог гол салбар баялаг бүтээгчдээ дэмжихээс илүү эрх баригчид иргэдэд таалагдах халамжийн бодлогыг үргэлжлүүлэхээр болсон талаар эдийн засагчид онцолж байна. Улмаар иргэдийн ажил хөдөлмөрлөлтөд сөргөөр нөлөөлж байгааг тэд тэмдэглэсэн юм.
Тэгвэл хавтгайрсан халамжийн мөнгийг цаашид олгох шаардлагатай юу гэсэн хариултад эдийн засагчид “Ажил хийх боломжгүй иргэдээ төр халамжлах нь зөв. Гэхдээ халамжийн мөнгийг нарийн бодлого зохицуулалтаар олгох шаардлага бий болсон” гэв.
Баян-Өлгий аймагт дэгдсэн шуугиантай холбогдуулан аймгийн Нийгмийн даатгалын хэлтсийн дарга, Нэгдсэн эмнэлгийн 40 гаруй эмчийг шалгаж байга юм байна.
Хавтгайрсан халамж нийгмийг бүхэлд нь идэж байна. Наанадаж, иргэдийн ажил хийх сонирхол буурсан гэх. Нөгөөтээгүүр, эрүүл иргэд ч гэлтгүй халамжинд багтахын тулд ар өврийн “хаалга” хэрэглэдэг, мөнгө өгдөг. Энэ байдал хавтгайрсны нэг жишээ бол Баян-Өлгий аймаг. Хавтгайрсан халамжаас илүү баялаг бүтээгчдийг бий болгоход төр анхаарах шаардлагатай байна.
А.Сүх
Сэтгэгдэл (11)