Ц.Элбэгдорж нь Монгол Улсын Ерөнхийлөгчөөр ажиллаж байхдаа Ерөнхийлөгчийн тухай хууль болон бусад хууль тогтоомжийг зөрчин нэр бүхий аж ахуйн нэгж, байгууллагад давуу эрх олгосон үйлдэлд нь эрүүгийн хэрэг үүсгэж, Нийслэлийн прокурорын газраас 2020 оны нэгдүгээр сарын 30-ны өдөр яллагдагчаар татсан юм.

Түүнийг эдийн засгийн аюулгүй байдлыг доройтуулсан, мөн оффшор данстай холбоотой үйлдлийг ч давхар шалгаж эхэлжээ. Харин уг хэргийг мөрдөн шалгах ажиллагаа дуусч, шүүхэд шилжүүлэх саналтайгаар прокурорын хяналтад шилжүүлсэн байна.

АТГ-ын Мөрдөн шалгах хэлтсээс Ерөнхийлөгч асан Ц.Элбэгдоржийг Эрүүгийн хуулийн тусгай ангийн 263.2 дахь хэсгийн “Төрийн албан тушаалтан албаны эрх мэдэл буюу албан тушаалын байдлаа урвуулан ашигласны улмаас аж ахуйн нэгж байгууллага, иргэний хуулиар хамгаалсан эрх ашиг, сонирхолд ихээхэн хэмжээний хохирол, хор уршиг учруулсан” гэх хэрэгт буруутгаад байгаа юм.

У.Тэргэл