Монгол Улсын аварга Э.Оюунболдод холбогдох хяналтын шатны шүүх хурал Улсын Дээд шүүхэд ирэх даваа гарагт болно. Анхан болон давж заалдах шатны шүүхээс Э.Оюунболдыг сэргээшийн төрлийн хориотой бодис хэрэглэснийг тогтоож, барилдах эрхийг нь хоёр жилээр хасах шийдвэр гаргасныг тэрбээр эсэргүүцэн Дээд шүүхэд хандсан юм.

Даваа гарагийн хуралдаанаар анхан болон давж заалдах шатны шүүхийн шийдвэр үндэслэлтэй эсэхийг хэлэлцэнэ. Үндэслэлтэй гэж үзвэл аварга цолыг нь хураах эсэх асуудал яригдах юм.

Монгол Улсын Ерөнхийлөгч зарлиг гарган аварга цолыг нь хураасан тохиолдолд Монгол Улсын аварга Батсуурь даян аварга болно.

Мөн Э.Оюунболдод өвдөг шороодсон бөхчүүдийн цол, чимэгийг сэргээх юм байна. Ийнхүү гурван шатны шүүх дамжин хэлэлцэх Э.Оюунболдод холбогдох хэргийг эцэслэн шийдэх шатандаа орж байна.

У.Тэргэл