Танилц: Шүүхээр дэнслэгдэх олны анхаарал татсан хэргүүдийн тов гарчээ

2020-10-25

Ирэх долоо хоногт олны анхаарлыг татсан хэргүүдийг шүүх хуралдаан болохоор товлогджээ. Тодруулбал,

Ү.Отгонбаатар нарт холбогдох эрүүгийн хэрэг:

Нийслэлийн Прокурорын газраас Эрүүгийн хуулийн тусгай ангийн 22.1-1 /Эрх мэдэл, албан тушаалын байдлаа урвуулан ашиглах/, 22.4-3 /хахууль авах/, 22.5-1 /хахууль-өгөх/ хэсэгт заасан гэмт хэрэгт Ү.Отгонбаатар нарын 26 хүнд тус тус холбогдуулан яллах дүгнэлт үйлдэж ирүүлсэн эрүүгийн хэргийн урьдчилсан хэлэлцүүлгийн шүүх хуралдаан Сүхбаатар дүүргийн Эрүүгийн хэргийн анхан шатны шүүхэд аравдугаар сарын 27-ны өдрийн 13:30 цагт,

Э.Бат-Үүл нарт холбогдох эрүүгийн хэрэг:

Нийслэлийн Прокурорын газраас Эрүүгийн хуулийн ерөнхий ангийн 3.1 дүгээр зүйлийн 1, 3.3 дугаар зүйлийн 1, 2 дахь хэсэгт заасныг тус тус журамлан мөн хуулийн тусгай ангийн 22.1 дүгээр зүйлийн 2 дахь /Эрх мэдэл, албан тушаалын байдлаа урвуулан ашиглах/ хэсэг, мөн хуулийн ерөнхий ангийн 3.1 дүгээр зүйлийн 1, 3.4 дүгээр зүйлийн 1 дэх хэсэгт заасныг тус тус журамлан, мөн хуулийн тусгай ангийн 22.12 дугаар зүйлийн 1 дэх /хуулийн этгээдийн эрх мэдлийг урвуулан ашиглах/ хэсэг, мөн хуулийн ерөнхий ангийн 3.1 дүгээр зүйлийн 1, 3 дахь хэсэгт заасныг журамлан, мөн хуулийн тусгай ангийн 18.6 дугаар зүйлийн 2 дахь хэсгийн 2.2, 2.3 дахь /мөнгө угаах/ гэмт хэрэгт Э.Бат-Үүл нарын 11 хүнд тус тус холбогдуулан яллах дүгнэлт үйлдэж ирүүлсэн эрүүгийн хэргийн гэм буруугийн шүүх хуралдаан Чингэлтэй дүүргийн Эрүүгийн хэргийн анхан шатны шүүхэд аравдугаар сарын 28-ны өдрийн 10 цагт,

Б.Хурц нарт холбогдох эрүүгийн хэрэг:

Нийслэлийн Прокурорын газраас 2002 оны Эрүүгийн хуулийн тусгай ангийн 133 дугаар зүйлийн 133.1 дэх хэсэг /Гүйцэтгэх ажлын тухай хууль тогтоомж зөрчих/-ийн 133.1, 251 дүгээр зүйл /Эрүү шүүлт тулгах/-д заасан гэмт хэрэгт Б.Хурц, О.Бямбажав, Г.Эрдэнэбат, О.Бархасбадь, Ж.Мөнхгал, С.Баяр, Ү.Отгонбаяр, С.Эрдэнэбат, Э.Өлзийбаяр нарт тус тус холбогдуулан яллах дүгнэлт үйлдэж ирүүлсэн эрүүгийн хэргийн давж заалдах шатны шүүх хуралдаан Төв аймаг дахь Эрүүгийн хэргийн давж заалдах шатны шүүхэд аравдугаар сарын 28-ны өдрийн 10 цагт,

Д.Дамба-Очирт холбогдох эрүүгийн хэрэг:

Нийслэлийн Прокурорын газраас Эрүүгийн хуулийн ерөнхий ангийн 3.1 дүгээр зүйлийн 2, 3.4 дүгээр зүйлийн 1 дэх хэсэгт заасныг тус тус журамлан, мөн хуулийн тусгай ангийн 22.1 дүгээр зүйлийн 3 дахь хэсэг /Улс төрд нөлөө бүхий этгээд бусдад давуу байдал олгох/-т заасан гэмт хэрэгт Д.Дамба-Очирт холбогдуулан яллах дүгнэлт үйлдэж ирүүлсэн эрүүгийн хэргийн давж заалдах шатны шүүх хуралдаан Нийслэлийн Эрүүгийн хэргийн давж заалдах шатны шүүхэд арваннэгдүгээр сарын 29-ний өдрийн 7 дугаар хурал тус тус товлогдсон байна.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (5)

ХЭХЭ (192.82.71.121)

БАТҮҮЛ БУРУУГҮЙ МАН-Ы ХУЛГАЙЧ НОХОЙ НАРАА

2020 оны 10 сарын 25 | Хариулах
Бурууд нүд хурц (122.201.22.53)

Та кирил үсгээрээ бичнэ үү.

2020 оны 10 сарын 25 | Хариулах
Ajaa taij (202.9.46.58)

Wruugiinhen. Bulegleluud Mongol turiig ezegneed bainauu guiyu. 1jiliin shuuhiin potseesiig ajiglahad iim bodol turuud baih bolloo.

2020 оны 10 сарын 25 | Хариулах
- Та кирил үсгээрээ бичнэ үү.
  
  Бурууд нүд хурц
  
  2020 оны 10 сарын 25
Зочин (103.57.93.252)

Бат-үүл, Хурц нар цагаадана.

2020 оны 10 сарын 25 | Хариулах