10 тохиолдол шинээр нэмэгдэж, батлагдсан тохиолдол 801 боллоо

2020-12-01

Эрүүл мэндийн яамнаас коронавирусний талаарх ээлжит мэдээллээ хийж байна.

ХӨСҮТ-ийн Тандалт судлалын албаны дарга А.Амбасэлмаа "2020 оны арваннэгдүгээр сарын 30-ны өглөөний 11 цагийн мэдээллээс хойш ХӨСҮТ-ийн вирус судлалын лаборатори, Дархан, Сэлэнгэ аймгийн ЗӨСҮТ-ийн вирус судлалын явуулын лабораторид нийт 12 мянга 116 хүнд шинжилгээ хийхэд 10 хүнд коронавирус илэрлээ.

Архангай аймагт нэг тохиолдол бүртгэгдэж, нийт тохиолдол гурав болж байна. Мөн Улаанбатаар хотод долоон тохиолдол шинээр бүртгэгдэж, нийт батлагдсан тохиолдол 34 болж байна. Эдгээр нь ойрын хавьтлын давтан шинжилгээнээс халдвар илэрсэн болно.

Сэлэнгэ аймагт нэг тохиолдол бүртгэгдсэн. Нийт 180 тохиолдол боллоо.

Говьсүмбэр аймагт нэг тохиолдол нэмж бүртгэгдээд нийт батлагдсан тохиолдол дөрөв боллоо. Ингээд дотоодын халдвар 358 болж байна. Харин Монгол Улсад батлагдсан нийт тохиолдол 801 боллоо.

Харин Дархан, Орхон, Дорноговь аймагт халдвар бүртгэгдээгүй" гэлээ.

Б.Батчимэг

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

асуулт байна (192.82.67.124)

СЭТГҮҮЛЧ асууж, ЭМЯ ныхан БЗД ийн эмнэлэгт ирсэн сэжигтэн корона туссан нь шинжилгээгээр батлагдсан гэлээ. ЭНЭ КОРОНА ИЛЭРСЭН ХҮН ШИНЭ ЭХ ҮҮСВЭР ҮҮ? ЭСВЭЛ АЛЬ НЭГ ГОЛОМТЫН ХАВЬТАЛТ УУ? Хариу өгсөнгүй. ХАВЬТАЛТ бол гадуур яагаад чөлөөтэй явдаг юм вэ? 11 цагийн ЭМЯ ны мэдээнд нуудаг зүйл байж болохгүй дээ. ОДОО эргэлздэг болж байна.

2020 оны 12 сарын 01 | Хариулах