Хөдөө орон нутаг болон Улаанбаатар хотод гацсан иргэдийг нутаг буцаах ажил эдгээр өдрүүдэд үргэлжилж байгаа билээ. Харин шилжилт хөдөлгөөнд оролцох иргэд PCR шинжилгээнд хамрагдах ёстой гэсэн шаардлага тавьж байгаа бөгөөд зарим иргэд шинжилгээний хариу гарахгүй удаж байна гэх шүүмжлэл гаргаад байгаа.

Энэ талаар ХӨСҮТ-ийн ерөнхий захирал Д.Нямхүү "Хариуг программ руу шивж оруулахад асуудал гарч байна. Учир нь иргэд хувийн мэдээллээ алдаатай, буруу  хэлэх, эмч нар бүрэн хамгаалалтын хувцастай байгаа болохоор мэдээллийг алдаж сонсоод зөрүүлж бичих явдал нь хүндрэл учруулж байна. Түүнээс лабораторид шинжилгээ тасралтгүй хийж байгаа. Тухайн иргэний хувийн мэдээллийг тулгаж байж хариуг өгөх ёстой. Тиймээс иргэд шинжилгээ өгөхдөө хувийн мэдээллээ тодорхой өгч, бичүүлэх шаардлагатай байна" гэв.

Б.Баатар