Ерөнхий сайд асан С.Баяр, Ч.Давааням, С.Баярцогт, Б.Бямбасайхан, Д.Ганболд, Б.Ариунсан, Б.Бадрал нарт холбогдох эрүүгийн хэргийн давж заалдах шатны шүүх хуралдаан Нийслэлийн давж заалдах шатны шүүхэд үргэлжилж байна. 

Тодотговол С.Баяр, Ч.Давааням нарт холбогдох эрүүгийн хэргийг шүүх хурал энэ сарын нэгний өдөр Нийслэлийн Эрүүгийн хэргийн давж заалдах шатны шүүхэд болсон. Шүүхээс шүүгдэгч С.Баярцогт, Б.Бямбасайхан, Д.Ганболд, Б.Ариунсан, Б.Бадрал нарт холбогдох эрүүгийн 1702 00165 0085 дугаартай хэрэгт шүүгдэгч С.Баяр, Ч.Давааням нарт холбогдох хэргийг нэгтгэж, тус хэргийн материалд авагдсан үндсэн эх баримтуудад тулгуурлан нэг шүүх хуралдаанаар хэргийг хянан хэлэлцэж шийдвэрлэх нь зүйтэй гэж давж заалдах шатны шүүх бүрэлдэхүүн дүгнээд, шүүх хуралдааныг өнөөдөр буюу 2020 оны 12 дугаар сарын 03-ны өдөр хүртэл хойшлуулаад байсан юм. 

Шүүх хуралдаан онлайнаар буюу цахимаар явагдаж байна. Бид энэ талаар эргэн мэдээлэх болно. 

Б.Бат