Шүүгдэгч С.Баярцогт, Б.Ариунсан, Б.Бямбасайхан, Б.Бадрал, Д.Ганболд нарт холбогдох эрүүгийн хэргийн шүүх хуралдаан өнөөдөр Нийслэлийн Давж заалдах шатны шүүхэд товлогдож, улмаар шүүх хуралдаан 11 цагт эхэлсэн билээ.

Энэ сарын нэгний өдөр болсон Ерөнхий сайд асан С.Баяр, Ч.Давааням нарт холбогдох хэргийг шүүх эрүүгийн хэргийн давж заалдах шатны шүүх хуралдаанаар шүүгдэгч нарын өмгөөлөгчдийн хүсэлтээр дээрх хэргийг нэгтгэн шүүх шийдвэр гаргасан.

Тодотговол С.Баяр, С.Баярцогт нарыг шүүх хурал өнөөдөр нэгтгэгдэн хэлэлцэгдэхээр болоод байсан. Харин шүүх хуралдааны эхэнд С.Баярцогт нарын өмгөөлөгч хэргийг тусгаарлах хүсэлт гаргасан байна. Өмгөөлөгч нарын энэхүү хүсэлтийг шүүх бүрэлдэхүүн хүлээн авч, хэргийг тусгаарлах шийдвэр гаргажээ. Улмаар С.Баярцогт нарын хэргийг яг одоо хэлэлцэж байна гэдгийг эх сурвалж мэдээллээ. 

Ташрамд өгүүлэхэд С.Баярцогт нарыг шүүх хурал өнөөдөр 18 цагаас өмнө эцэслэгдвэл С.Баяр, Ч.Давааням нарын Давж заалдах шүүх хуралдаан үргэлжлэн болох юм байна. 

Б.Батчимэг