"Гэрэлтэй цонх"-ын хөтлөгч Б.Төгөлдөрийн амь насыг хөнөөсөн хэргийг шүүх хурал өнөөдөр болно

2020-12-10

Монголын Үндэсний Олон Нийтийн Телевизийн "Гэрэлтэй цонх" үдшийн хөтөлбөрийн хөтлөгч Б.Төгөлдөр бусдын гарт амиа алджээ гэсэн мэдээ саяхан гарсан гэхэд аль хэдийнээ 2 жил болжээ.

Тэгвэл энэ хэргийг эргэн сануулахад, 2018 оны 11 сарын 30-наас 12 сарын 1нд шилжих шөнө Сүхбаатар дүүргийн 10 хорооны нутаг дэвсгэрт байрлах, Бид ББСБ-ын оффисын ажилтан н.Батзориг, н.Тод-Эрдэнэ нар нь бүлэглэн Б.Төгөлдөрийн амь насанд хүрсэн нь мөрдөн байцаалтын явцад тогтоогдсон.

Уг хэргийг Сүхбаатар дүүргийн прокурорын газраас Эрүүгийн хэргийн тусгай ангийн 10.1 дүгээр зүйл /хүнийг алах/-ийн 2 дах хэсгийн 2.11 /бүлэглэж/-д заасан гэмт хэрэг үйлдсэн гэм буруутайд тооцон яллаж 2019 оны 4 сард Сүхбаатар Дүүргийн Эрүүгийн Хэргийн Анхан Шатны Шүүхэд хүргүүлснээс хойш хэргийг шийдвэрлэх явц эрс удааширч шүүх хурал олон дахин хойшлогдсон байдаг.

Ийнхүү 2020 оны 9 сарын 1-нд уг хэргийн анхан шатны шүүх хурал болж Эрүүгийн хуулийн тусгай ангийн 10.1 дүгээр зүйлийн 2 дахь хэсгийн 2.11-д зааснаар яллах дүгнэлт үйлдэж ирүүлсэн хэргийг хэрэгсэхгүй болгож тус ангийн 10.1 дүгээр зүйлийн 1 болгон хөнгөрүүлэн зүйлчилсэн байдаг. Тэгвэл н.Тод-Эрдэнэ, н.Батзориг нарт холбогдох эрүүгийн хэргийн давж заалдах шатны шүүх өнөөдөр арванхоёрдугаар сарын 10-ны өдөр болох юм.

Б.Баатар

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

Баагий (202.9.40.34)

Тэгээд ямар ял өгсөн бэв Хэрэгтнүүдхэргээ хүлээсийн болов уу.

2021 оны 01 сарын 05 | Хариулах