Дуучин, улс төр судлаач, эрх зүйч зэрэг олон гуншингийн эзэн Т.Бат-Оргилыг хуулийн байгууллага шалгаж эхэлсэн байна. Түүний сонгуулийн хууль зөрчсөн хэмээн шалгаж байгаа аж.

Тэрбээр энэ талаар өөрийн цахим хуудаснаа "Элгийн юмаа. Надад хэрэг үүсгэлээ гэнээ. Өнгөрсөн сонгуулиар өчнөөн олон хүн хандив өргөсөн. Харамсалтай нь тэдний нэлээд хэсэг нь хуульд заасан ёсоор РД, нэр усаа, орлогын эх үссвэрээ бичээгүй, "Амжилт хүсъе" "Дансанд 20К л байна, тэрнийгээ явууллаа" гэх мэт хөөрхөн утгатай гуйвуулгууд хийснийг би бүгдийг буцаах ёстой байв. Нийт 11 гаран сая төгрөг буцаасан. Гэтэл яагаад ч юм 195,000 төгрөг буцаагаагүй үлдээсэн "гэмт хэргийг" Аудитын газар илрүүлж, Прокурор хэрэг үүсгэсэн байна гэж ХУД-ийн Татварын хэлтсээс залгаж байх юм. Би ч баларлаа даа...Эд нар нээрээ жинхэнээсээ өөр хийх юм байдаггүй юм байх даа" хэмээн бичсэн нь олны анхаарлыг татаад буй юм. 

Ташрамд өгүүлэхэд, Т.Бат-Оргил нь 2020 оны УИХ-ын сонгуульд Хан-Уул дүүргийн 29 дүгээр тойрогт бие даан нэр дэвшиж байсан юм. 

Б.Бат