Шүүхийн тухай хуулийн шинэчилсэн найруулгын төслийг Хууль зүйн байнгын хороо, УИХ-ын чуулганаар хэлэлцэх үед хөндсөн гол асуудлын нэг нь  УИХ-ын гишүүн, Ерөнхий сайд асан Ж.Эрдэнэбат нарт холбогдох хэрэг байлаа.

Гишүүний бүрэн эрхтэй байхад нь албадан авчирч, хүчээр ял тулган оноосон гэх шүүмжлэл өрнөж, олон улсын Парламентын холбоо ч анхаарал хандуулаад эхэлснийг гишүүд дурдаж, байв.

Хамгийн  гол нь Шүүхийн тухай хуулиар Сахилгын хороог байгуулах бөгөөд энэ цагт Ж.Эрдэнэбатад холбогдох хэргийг хүч түрэн шийдвэрлэсэн шүүгчид хариуцлага тооцох нь гарцаагүй. Сахилгын хорооны эхний шийдвэр энэ байна хэмээж байна.

Ж.Эрдэнэбат нарт холбогдох хэргийг Баянзүрх, Сүхбаатар, Чингэлтэй дүүргийн анхан шатны шүүхийн шүүгч Х.Идэр даргалсан бөгөөд тэрбээр бүрэн эрхтэйгээ байгаа гишүүнд ял оноохоор улайрч алх цохисныхоо төлөө хариуцлага хүлээхээр болж байна.

Өмнө шүүгчдээс гаргасан шийдвэрийнхээ төлөө хариуцлага хүлээж, шалгуулж, ял шийтгүүлж байсан нь үгүй. Салхитын мөнгөний ордын авлигын хэрэгт холбогдсон шүүгчдийг эс тооцвол шүү дээ.

Тиймээс хүч тулган ял оноосон, илт ашиг сонирхлын зөрчилтэй шийдвэр гаргасан үйлдэлдээ хариуцлага хүлээх эхний хүн Х.Идэр шүүгч болох нь.

У.Тэргэл