АН-ын Хэрэг эрхлэх газрын даргын үүрэг гүйцэтгэгч А.Цэрэнбат  Улсын Дээд шүүхийн шүүгч Х.Сонинбаярыг шалгуулахаар АТГ-т гомдол гаргажээ. Тэрбээр, шүүгч Х.Сонинбаяр нь АН-ын даргын суудлын төлөөх хуйвалдаанд албан тушаал, эрх мэдлээ ашиглан оролцсон байж болох нөхцөл байдал тогтоогдсон тул эл асуудлыг шалгаж өгнө үү хэмээжээ.

Уг гомдолдоо, Улсын Дээд шүүхийн “улс төрийн намууд” гэсэн цахим санд байрлах АН-ын мэдээлэлд ..Намын дарга гэсэн цэсний арын хэсэгт байсан С.Эрдэнэ гэх нэрийг засварлаж, “....намын дарга, намын даргын үүрэг гүйцэтгэгч Ц.Туваан болгож, өөрчилсөн. Харин Ц.Туваан нь үүнийг овжиноор ашиглан “АН-ын дарга  Ц.Туваан гэж Улсын Дээд шүүх тэмдэглэсэн байна”  гэсэн агуулга бүхий албан тоотыг Улсын Дээд шүүхийн Тамгын газрын даргын үүрэг гүйцэтгэгч С.Амардэлгэрээс  гаргуулан авч,  түүнийгээ олон нийтэд түгээн улс төр хийж, УБЕГ-т хүргүүлж, төөрөлдүүлэн УИХ-д суудалтай намын даргын эрх мэдлийг хууль бусаар авах ажиллагаа явуулсан хэмээн АН-ын Хэрэг эрхлэх газрын даргын үүрэг гүйцэтгэгч А.Цэрэнбат тодотгожээ.

Монгол Улсын Ерөнхийлөгч  Салхитын мөнгөний ордын гэх авлигын хэрэгт холбоотой 17 шүүгчийг албан тушаалаас нь түдгэлзүүлэн хууль хяналтын байгууллагаар шалгуулсан. Тэдний дунд Х.Сонинбаяр шүүгчийн нэр явсан ба нэг жил гаруйн хугацаанд шалгуулснаар хэрэгт холбогдолгүйг тогтоон ажилд нь эргүүлэн томилоод байсан юм. Харин уг хэргийг дуулиан намжаагүй байтал тэрбээр албан тушаал, эрх мэдлээ ашигласан хэрэгт дахин шалгуулах нь .

У.Тэргэл