Өвлийн усанд сэлэлтийн дэлхийн аварга шалгаруулах тэмцээнээс алт, мөнгө, хүрэл медаль хүртсэн тамирчид эх орондоо ирлээ. Энэ үеэр Өвлийн усанд сэлэлтийн Дэлхийн аварга болсон А.Эрмүүнтэй хэсэг хором ярилцлаа. 

Тэрбээр "Усан спортоор таван жил хичээллэж байгаа. Яг энэ мөчийн төлөө тасралтгүй бэлтгэл хийж байсан. Эцсийн мөчид аварга болж чадлаа. Польшууд хамгийн хүчтэй өрсөлдөгчид байлаа. Тэмцээний усны хувьд +1,75-1,7-ийн хооронд хэлбэлзэж байсан. Өмнө жил Франц руу дэлхийн аваргад оролцохоор явж байсан. Гэсэн ч тодорхой амжилт гаргаж чадаагүй. Харин энэ жилийн тэмцээнд тодорхой рекордууд эвдэгдсэн.

40 улсын 1500 гаруй тамирчид оролцсон том тэмцээн болж өндөрлөсөн. Энэ тэмцээнд өөрийн бэлддэг төрлөөр Дэлхийн аварга болсонд баяртай байна.

Сэлж эхэлсэн цагаасаа эхлээд Дэлхийн аварга болохыг зорьж байсан учир энэ жилийнхээ бэлтгэл сургуулилтад хангалттай итгэлтэй байсан. Гаднаа сандрах зүйл байсан ч дотроо өөртөө маш их итгэж байсан" гэв. 

Д.Батчулуун