Энэ сарын 5-8-ны өдрүүдэд Сэлэнгэ аймгийн Сүхбаатар хотод долоон залуу 24 настай бүсгүйг гурван хоногийн турш буудал дамжуулан хүчиндсэн хэрэг гарсан. Уг хэрэгт 1987-1990 онд төрсөн, интернет кафе ажиллуулдаг, бийлэгжүү залуучуудыг сэжиглэн шалгаж байгаа юм. Мөн тэдэнд Эрүүгийн хуулийн 126.3-д зааснаар эрүү үүсгэн, цагдан хорьж шалгаж байгаа билээ. Хохирогчийн ар гэрийнхэн “Миний дүүг зүс таньдаг залуу нь хүнсний дэлгүүрээс 16.00 цагийн үед гарч явахад хүчээр буудалд чирч оруулаад архи амруу нь цутгаж, гурван хоногийн турш хүчирхийлсэн. Гурав хоногийн дараа суллаж явуулахад нь шууд найз залуу дээрээ очиж үнэнээ хэлсэн. Найз залуу нь бидэнд мэдэгдсэнээр цагдаагийн байгууллагад хандсан” гэсэн.
Харин цагдаагийн байгууллагын эх сурвалжийн мэдээлсэнээр “Хохирогч бүсгүй анх “Орхон” зочид буудалд найз залуутайгаа өрөө авч, хөтлөлцөн орсон гэсэн. Харин дараа нь найз залуу нь найзуудыгаа дуудсан байгаа юм. Ямартай ч хүчирхийлэл үйлдэгдсэн гэх гурван өдрийн турш хохирогч бүсгүйтэй найз залуу нь хамт байсан. Мэдээж хүнийг хүчээр гурван буудалд хүч хэрэглэн оруулж, хүчирхийлэл үйлдэж байхад буудлын ажилтнууд цагдаагийн байгууллагад мэдэгдэнэ шүү дээ. Ямар учраас ар гэрийнхэн нь ташаа мэдээлэл хийснийг гайхаад байгаа юм. Хүчингийн хэргийн талаар дэлгэрэнгүй мэдээлэл өгч болдоггүй тул үүнээс илүү мэдээлэл өгөх боломжгүй” гэлээ.
Юутай ч хэргийн мөрдөн байцаалтын ажиллагаа дууссаны дараа энэхүү хэргийн учир олдох биз ээ.
Сэтгэгдэл (17)