Монгол Улсын Ерөнхийлөгчийн зарлигаар Улсын Их Хурлын Тамгын газрын зарим ажилтнууд өнөөдөр төрийн дээд одон, медалиар шагнагдлаа. УИХ-ын Тамгын газрын Захиргаа, нийтлэг үйлчилгээний хэлтсийн ажилтан Ө.Оюунчимэг “Алтан гадас” одонгоор энгэрээ мялааж, УИХ-ын Байгаль орчин, хүнс хөдөө аж ахуйн байнгын хорооны референт Б.Баярмаа, нарийн бичгийн дарга З.Оюунсүрэн нар “Хөдөлмөрийн хүндэт медаль”-иар шагнуулжээ. Тамгын газрын эдгээр ажилтнуудын одон, медалийг УИХ-ын Тамгын газрын Ерөнхий нарийн бичгийн дарга Б.Болдбаатар гардуулж, баяр хүргэсэн байна.