Их Британийн Ерөнхий сайд асан Тони Блэйрийн манай улсад хийх албан ёсны айлчлал өнөөдөр эхэлсэн. Харин түүний ирэхийг эсэргүүцэж, МАХН-ынхан Сүхбаатарын талбайд жагсаж тэмцлээ үргэлжлүүлж байна. Жагсагчид Их Британийн Ерөнхий сайд асан Тони Блэйрийг Монгол Улсын Засгийн газрын шугамаар ажлын айлчлал хийж байгаа нь Оюутолгойн гэрээнд нөлөөлж магадгүй гэх хардлага тээж байгаагаа нуусангүй.

Тиймээс жагсагчид Монгол Улсын Засгийн газрын сайд нар, Их Британийн Ерөнхий сайд асан Тони Блэйр нарыг Оюутолгойн хөрөнгө оруулалтын гэрээтэй холбоотойгоор Монгол Улсад ашиггүй гэрээ хэлэлцээр хийгдэх вий хэмээн бодож ийнхүү жагсаж байгаа аж.