МАХН-ын дарга Г.Шийлэгдамбатай цаг үеийн асуудлаар ярилцлаа. -Танай намынхан Улсын дээд шүүхийн Ерөнхий шүүгч Ц.Зоригтод хандлаа. Энэ талаар тодорхой тайлбарлахгүй юу?
-Ц.Зоригтод хандахаар мэдэгдэл гаргасан. Уг мэдэгдэлд МАХН-ын дарга Н.Энхбаярыг улс төрийн хэлмэгдүүлэлтээр хэлмэгдүүлж, зохиомол хэргээр хэрэг үүсгэж, шүүх хараат байх зарчмаа мартаж шийдвэр гаргасныг дурьдсан. Тиймээс хараат байдлаар гаргасан шийдвэрийг эсэргүүцэж, МАХН-ын дарга Н.Энхбаярыг Нийт шүүгчдийн хуралдаанаар оруулахыг хүссэн. Гэвч хүсэлтийг хүлээж аваагүй. Тиймээс албан мэдэгдэл гаргаад байна.
-Н.Энхбаяр Ерөнхийлөгчид нэр дэвших хүмүүсийн батлахыг батлах гэсэн боловч ШШГЕГ-аас саатуулсан гээд байгаа?
-Тийм зүйл болсон. Энэ бол МАХН-ын дотоод үйл ажиллагаанд оролцож байгаагийн хэлбэр. ШШГЕГ-ын холбогдох албан тушаалтнууд МАХН-ын албан ёсны гэрээг авч саатуулсан. Тиймээс манай намаас ажлын хэсэг гарч, Хууль зүйн сайд Х.Тэмүүжингээс албан ёсны хариу авахаар болоод байгаа.
-Хоёр нам нэгдэх асуудал юу болж байна?
-Албан ёсны хариу өгөх ажлыг УИХ-ын дэд дарга Л.Цогоор ахлуулж байгууллаа. Ингэснээр хоёр намын улс төрийн үйл ажиллагаа хамтарч явах бололцоог судлаж хариу өгнө.
-Н.Энхбаярыг ялаас чөлөөлөх асуудлаар албан ёсоор холбогдох байгууллагад хандана гэж байсан. Хандсан уу?
-Намын нарийн бичгийн дарга Н.Нанжидаар ахлуулсан ажлын хэсэг байгуулсан. Эрүүл мэндтэй нь холбоотой асуудал, хууль эрх зүйн талаас нь. Мөн хүний эрх зөрчигдөж байгаа эсэхийг судална. Тэгэхээл өвчний улмаас ялаас чөлөөлөгдөх үндэслэлийнх нь дагуу тодорхой холбогдох байгууллагуудад асуудал тавина.
-Н.Энхбаярын эхнэр О.Цолмонгийн захидлыг ил гаргасан хүнд хариуцлага тооцно гэж байсан. Юу болов?
-Намын даргын гэр бүлийн хүн болох О.Цолмонгийн захидал олон нийтэд нэгэнт ил болсон. Тиймээс бид араас нь нэхэн сурвалжлаад эзэн биетэй нь хайгаад байх шаардлагагүй гэж үзсэн.
Б.Чимэг
Сэтгэгдэл (13)