МАХН-ын Гүйцэтгэх хорооны хурал дээр Хууль зүйн сайд Э.Эрдэнжамьяан ажлаас гарах өргөдлөө өгсөн нь шуугиан дагуулсан. Энэ нь МАХН-ын удирдлагуудын дотор хагарал үүссэнийг илтгэж байна гэж улс төрийн хүрээнийхэн дүгнэж байсан. Тэгвэл энэ үйл явдлаас хойш хэсэг хугацаа өнгөрсний дараа Э.Эрдэнэжамьяан нэгэн сонирхолтой тайлбар хэллээ.
    Тэрбээр "Уг нь ч бидний хоорондын жижиг маргаан л даа.  Хүмүүс албан тушаалд шунаж байна гэх маягийн шүүмжлэл гарсан юм. Тэгэхээр нь “Та нар намайг албан тушаалын хойноос явж байна гэж бодож байна уу. Уучлаарай, надад албан тушаал сонин биш. Одоо ч гэсэн хамаагүй өргөдлөө бичээд өгье. Би дэд сайдын ажил хийж суухаар, нам дээрээ ажиллаад өргөн хүрээнд ажлаа хийвэл надад ч амар байна” гэж хэлсэн. Гэхдээ тэр бол залуу хүний түргэдсэн алхам болсон байх" гэлээ. Тэрээр Н.Энхбаярын дүүг интерполоор эрэн сурвалжлахаа зогсооно уу гэсэн и-мэйл илгээснийхээ төлөө ажлаасаа халагдах шахсан. Энэ удаа мөн л түргэдсэн алхам хийж МАХН-ын удирдлагуудыг бухимдуулсан бололтой.