Япон улсын Ерөнхий сайд Шинзо Абэ, гэргий Акиэ Абэ нар өнөөдөр Улаанбаатар хотод 14.20 цагт хүрэлцэн ирлээ. Тэднийг Ерөнхий сайд Н.Алтанхуяг гэргий Х.Сэлэнгийн хамт Сүхбаатарын талбайд угтаж авав. Үүний дараа Их эзэн Чингис хааны хөшөөнд хүндэтгэл үзүүлсэн юм.
Одоо Ерөнхий сайд Н.Алтанхуяг болон Япон улсын Ерөнхий сайд Шинзо Абэтэй ганцаарчилсан уулзалт хийж байгаа юм байна. Япон улсын Ерөнхий сайд Шинзо Абэ нь Ерөнхий сайд Н.Алтанхуягийн урилгаар хүрэлцэн ирж байгаа билээ. Уулзалтын дараа Монгол Улсын Ерөнхий сайд Н.Алтанхуяг, Япон улсын Ерөнхий сайд Шинзо Абэ нарын хэлэлцээр Төрийн ордонд эхлэх юм.
Түүний дараа Япон улсын Ерөнхий сайд Шинзо Абэ Монгол Улсын Ерөнхийлөгч Ц.Элбэгдоржид бараалхахаар болжээ.
Сэтгэгдэл (3)