Өчигдрийн гурван цагт эхэлсэн МАН-ын Удирдах зөвлөлийн бүлэгтэйгээн хамтарч хийсэн хуралдаан ихээхэн сунжирч дууссан байна. Уг хурлаар олон асуудал хэлэлцжээ. Бас зарим гишүүд удирдлагуудтайгаа үзэл бодол нийлэхгүй байгаагаа ч ярилцжээ. Үүнээс гадна цаг үеийн асуудлуудад дүгнэлт хийж, Н.Алтанхуягийн замбараагүй зугаалгыг ул суурьтай ярилцсан байна.

Тэгээд хоёр асуудлыг дэвшүүлэн шийдвэрлэхээр тохирчээ. Нэгдүгээрт, Засгийн газрын тэргүүн Н.Алтанхуягтай хариуцлага тооцох. Хоёрдугаарт, хаврын чуулганы үеэрх жагсаал цуглаанаас гаргасан шаардлагыг хэрэгжүүлж ажиллахаар болжээ.

Ингэснээр багагүй хугацаанд яригдсан Н.Алтанхуягийг хөдөлгөх асуудлыг МАН-ынхан Удирдах зөвлөл, бүлэгийн түвшинд үндсэндээ шийдлээ. Энэ долоо хоногтоо багтаад уг асуудлыг УИХ-д өргөн барихаар болжээ. Ийнхүү улс төрийн шинэ үйл явдал өрнөхөөр боллоо.