Манай Хөшөөтийн нүүрсний орд БНХАУ-ын “МоЭнКо” компанийн 100 хувийн эзэмшилд шилжээд дөрвөн жил болж байна. Энэ хугацаанд Ховд аймгийн нутгийн иргэд болон “Элгэн нутаг Сутай” хөдөлгөөнийхөн тус ордыг Ашигт малтмалын тухай хуулийн дагуу стратегийн ордын жагсаалтад оруулахын төлөө тууштай тэмцэж байгаа.

Манай Хөшөөтийн нүүрсний орд БНХАУ-ын “МоЭнКо” компанийн 100 хувийн эзэмшилд шилжээд дөрвөн жил болж байна. Энэ хугацаанд Ховд аймгийн нутгийн иргэд болон “Элгэн нутаг Сутай” хөдөлгөөнийхөн тус ордыг Ашигт малтмалын тухай хуулийн дагуу стратегийн ордын жагсаалтад оруулахын төлөө тууштай тэмцэж байгаа.

Гэтэл Хөшөөтийн ордтой холбоотой асуудал улс төрийн хүрээнд шийдэгдэхгүй олон жилийг үджээ.

Өнгөрсөн намар Ерөнхий сайд Н.Алтанхуяг Засгийн газрын хуралдаанаар Хөшөөтийг стратегийн ордод оруулах санал боловсруулан УИХ-аар хэлэлцүүлэхийг Уул уурхайн сайд Д.Ганхуягт даалгасан ч хагас жил өнгөрлөө. Тиймээс Д.Ганхуяг сайдыг Хөшөөтийг стратегийн ордод хэзээ оруулах, УИХ-аар хэзээ хэлэлцүүлэх талаар тодорхой хариулт өгөхийг нутгийн иргэд шаардаж байна.

Уг нь Д.Ганхуяг сайд УИХ-ын гишүүн байхдаа Оюутолгойн гэрээг өөрчилнө, Хөшөөтийг стратегийн ордод оруулна, Асгатыг төрийн мэдэлд байлгана гэх мэт зүйлийг ярьдаг байсан. Уул уурхайн салбарын тэмцэгч байсан хүн өөрөө салбарын сайд болохоороо альнийг нь ч хийхээ больжээ. Ялангуяа Хөшөөтийг стратегийн ордод оруулах ажлыг шийдвэрлэхгүй хойш сууж байгаад нь түүнд Ховд аймгийнхан ихэд гомдоллох болсон байна.

Уул уурхайн ордууд Хөшөөт шиг сайн чанарын коксжих нүүрсний хэдэн зуун сая, тэрбум тоннын нөөцтэй ордуудын цаана улстөрчид ашиг сонирхлын бүлэглэл дор нэгдэн нийлж, хамгаалсаар ирсэн. Тэд судалж байна, шалгаж байна, нягталж байна гэх нэрийн дор цаг хугацаа хождог, мартагнуулдаг, нам даран хуйвалддаг. Сү.Батболдын Засгийн газрын үед ч энэ асуудал яригдаж байсан. Гэвч бас л тухайн үеийн ЭБЭХ-ний сайд Д.Зоригт стратегийн ордод оруулах Ажлын хэсгийнхээ саналыг нам гүм байлгасаар бүрэн эрхийн хугацаагаа дуусгасан юм.  Ийм зүйл л битгий болоосой хэмээн Ховд аймгийн иргэд хэлж  байна.