Засгийн газрын 2013 оны нэгдүгээр сарын 12-ны хуралдаанаар Төрийн өмчийн хорооны даргаар ажиллаж байсан Ц.Нанзаддорж, ТЕГ-ын Тэргүүн дэд дарга Ч.Чулуунбаатар нарыг үүрэгт ажлаас нь чөлөөлөх шийдвэр гаргасан билээ. Өмнөх Засгийн газрын үед 2012 оны долдугаар сарын 25-нд Төрийн албаны зөвлөлийн саналыг үндэслэн түүнийг тус хорооны даргаар томилж байсан юм.
Гэвч Ц.Нанзаддорж ажлаас чөлөөлөх Засгийн газрын шийдвэрийг хүлээн зөвшөөрөхгүй байгаа бололтой. Тэрбээр Сүхбаатар дүүргийн шүүхэд Монгол Улсын Засгийн газрын эсрэг гомдол гаргасан байна. Учир нь тэрээр  ажлаас үндэслэлгүй халагдсан хэмээн үзэж байгаа юм байна. Уг гомдлыг шүүх өнгөрсөн даваа гаригт хэлэлцэх байсан боловч хариуцагч талаас хүсэлт гаргасан тул ирэх долоо хоног хүртэл хойшлуулсан байна.